“ஜி ஜின்பிங் எனக்கு வாக்குறுதி கொடுத்தாரே..!” சீன அதிபரின் துரோகத்தால் கொதித்தெழுந்த டிரம்ப்.. பதறும் சர்வதேச அரசியல்..!!

ஈரானுக்குப் பாகிஸ்தான் வழியாகச் சீனா ஆயுதங்களை அனுப்புவதாக வெளியான செய்திகள் குறித்துப் பேசிய அமெரிக்க அதிபர் டொனால்ட் டிரம்ப், இந்தத் தகவல் தனக்கு மிகுந்த ஆச்சரியமளிப்பதாகத் தெரிவித்துள்ளார். ஈரானுக்கு எந்தவிதமான ஆயுதங்களும் வழங்கப்பட மாட்டாது என்று சீன அதிபர் ஜி ஜின்பிங் தன்னிடம் நேரடியாக உறுதியளித்திருந்ததை சுட்டிக்காட்டிய டிரம்ப், இந்த விவகாரத்தில் சீனாவின் நடவடிக்கை தனது எதிர்பார்ப்பிற்கு மாறாக உள்ளதாகக் குறிப்பிட்டுள்ளார்.

மேலும், தனக்கு அளிக்கப்பட்ட வாக்குறுதியை மீறி ஈரானுக்குச் சீனா ராக்கெட் ஏவுகணைகளையோ அல்லது பிற ஆயுதங்களையோ வழங்கினால் தான் ‘கடுமையாக ஏமாற்றமடைவேன்’ என்றும் அவர் எச்சரிக்கும் தொனியில் தெரிவித்துள்ளார். சர்வதேச அளவில் பெரும் பரபரப்பை ஏற்படுத்தியுள்ள இந்த விவகாரம், அமெரிக்கா மற்றும் சீனா இடையிலான ராஜதந்திர உறவுகளில் மீண்டும் புதிய விரிசலையும் பதற்றத்தையும் உருவாக்கக்கூடும் என்று எதிர்பார்க்கப்படுகிறது.