பள்ளி மாடியில் பயங்கரம்!.. சக மாணவியைக் கீழே தள்ளிவிடத் துணிந்த 2 மாணவிகள்.. இறுதியில் நடந்த ட்விஸ்ட்.. நெஞ்சை உலுக்கும் வைரல் வீடியோ..!!

சீன சமூக ஊடகங்களில் தற்போது வைரலாகி வரும் ஒரு அதிர்ச்சியூட்டும் வீடியோ, உலகெங்கிலும் உள்ள பள்ளி மாணவர்களின் பாதுகாப்பு குறித்த பெரும் கவலையை ஏற்படுத்தியுள்ளது. ஒரு பள்ளிக் கட்டிடத்தின் மொட்டை மாடியில், இரண்டு மாணவிகள் இணைந்து மற்றொரு மாணவியைக் கொடூரமான முறையில் கீழே தள்ளிவிட சதி செய்துள்ளனர். அந்த மாணவி மாடியில் இருந்து குதித்து தற்கொலை செய்து கொண்டது போல உலகிற்குச் சித்தரிப்பதற்காகவே அவர்கள் இந்த விபரீத திட்டத்தைத் தீட்டியதாகக் கூறப்படுகிறது. இந்த கொடூரமான காட்சியைக் கண்ட நெட்டிசன்கள் பலரும் பெரும் அதிர்ச்சியடைந்து தங்களது கண்டனங்களைப் பதிவு செய்து வருகின்றனர்.

https://twitter.com/QuanLujun/status/2103385023168811123?s=20

இருப்பினும், இந்த விபரீத முயற்சி ஒரு பெரும் துயரமாக மாறுவதற்குக் முன்பே அதிர்ஷ்டவசமாகத் தடுக்கப்பட்டுள்ளது. அங்கு ஆசிரியர் போலத் தோற்றமளிக்கும் ஒரு நபர் சரியான நேரத்தில் மொட்டை மாடிக்கு வந்துள்ளார். மாணவிகளின் இந்த ஆபத்தான செயலைக் கண்ட அவர், உடனடியாக உரத்த குரலில் சத்தமிட்டு அவர்களை எச்சரித்து, மிகச் சாமர்த்தியமாகத் தலையிட்டு அந்த மாணவியின் உயிரைக் காப்பாற்றியுள்ளார். இந்த நெஞ்சை உலுக்கும் சம்பவத்தின் வீடியோ இணையத்தில் தீயாகப் பரவி வரும் நிலையில், சரியான நேரத்தில் தடுத்து நிறுத்திய அந்த நபருக்குப் பாராட்டுகள் குவிந்து வருகின்றன.