“அவர் அங்க போய் உட்கார்ந்தது இதுக்குத்தான்” சட்டப்பேரவையில் முதலமைச்சர் இடம் மாறி அமர்ந்தது ஏன்.? பின்னணியில் இருக்கும் ரகசியத்தை உடைத்த செங்கோட்டையன்..!!

தமிழக சட்டப்பேரவையில் முதலமைச்சர் விஜய் வழக்கமான தனது இருக்கையை விடுத்து இடம் மாறி அமர்ந்தது குறித்து அரசியல் வட்டாரத்தில் பெரும் விவாதம் எழுந்த நிலையில், அதற்கு அமைச்சர் செங்கோட்டையன் விளக்கமளித்துள்ளார். சட்டப்பேரவை கூட்டத்தொடரின் போது முதலமைச்சரின் இந்த அதிரடி மாற்றம் குறித்து செய்தியாளர்கள் கேள்வி எழுப்பிய போது அமைச்சர் இந்த சுவாரசியமான பதிலை அளித்தார்.

இதுகுறித்து விரிவாகப் பேசிய அமைச்சர் செங்கோட்டையன், “அவையில் உள்ள எல்லோரையும் உற்சாகப்படுத்த வேண்டும் என்று முதலமைச்சர் விஜய் விரும்புகிறார்” என்று குறிப்பிட்டார். ஒரு முதலமைச்சர் தனது வழக்கமான இடத்தை விடுத்து, சாதாரணமாக இடம் மாறி உட்காருவதைப் பார்த்து அவையில் உள்ள மற்ற அமைச்சர்களும், சட்டமன்ற உறுப்பினர்களும் பெரும் உற்சாகம் அடைவார்கள் என்றும், அந்த உற்சாகத்தோடு அவர்கள் தங்களது மக்கள் பணிகளைச் செய்வார்கள் என்ற நல்நோக்கத்தில்தான் அவர் அப்படி அமர்ந்தார் என்றும் அமைச்சர் தெளிவுபடுத்தினார்.

முதலமைச்சரின் இந்தச் செயல் சட்டப்பேரவையில் ஒரு புதிய மற்றும் ஆரோக்கியமான அணுகுமுறையாகப் பார்க்கப்படுகிறது என அமைச்சர் செங்கோட்டையன் அளித்த பேட்டியில் தெரிவித்துள்ளார். இந்த இருக்கை மாற்ற விவகாரம் தற்போது சமூக வலைதளங்களிலும், அரசியல் களத்திலும் பேசுபொருளாக மாறியுள்ளது.