அட்லீ மகளின் பெயர் ..! இதன் அர்த்தம் தெரிஞ்சா அசந்து போயிருவீங்க…!இணையத்தை கலக்கும் வைரல் போஸ்ட்…!

தமிழ் சினிமாவின் முன்னணி இயக்குனர் அட்லீ மற்றும் அவரது மனைவி பிரியா அட்லீ தம்பதியினர், தங்களுக்குப் பிறந்த மகளுக்கு ‘மியூ’ (Miyou) என்று பெயரிட்டுள்ளதாக இன்று (மே 17) அதிகாரப்பூர்வமாக அறிவித்துள்ளனர். இது குறித்து இன்ஸ்டாகிராமில் நெகிழ்ச்சியுடன் பதிவிட்ட தம்பதியினர், ‘மியூ’ என்ற பெயருக்கு “அழகு, மென்மை மற்றும் அன்பு” என்று பொருள் எனக் குறிப்பிட்டுள்ளனர். “எங்கள் இதயங்களில் மிகப் பெரிய இடத்தைப் பிடித்திருக்கும் ஒரு சிறிய நபர்” என்று குடும்பத்தினர் சமூக வலைத்தளத்தில் மகிழ்ச்சியைப் பகிர்ந்துள்ள நிலையில், அட்லீ தனது பதிவில், “எங்கள் காதலின் கலைக்கு இப்போது ஒரு பெயர் கிடைத்துவிட்டது” எனத் தெரிவித்துள்ளார். கடந்த 2014-ல் காதலித்து திருமணம் செய்துகொண்ட இந்தத் தம்பதிக்கு, 2023-ல் ‘மீர்’ என்ற மகன் பிறந்த நிலையில், இந்த ஆண்டு ஜனவரியில் தங்களின் இரண்டாவது கர்ப்பத்தை அறிவித்திருந்தனர். தற்போது மியூவின் வருகையால் இவர்களது குடும்பம் பெரும் மகிழ்ச்சியில் திளைத்து வருகிறது.

இயக்குனர் ஷங்கரிடம் உதவி இயக்குனராகத் தன் திரைப்பயணத்தைத் தொடங்கிய அட்லீ, “ராஜா ராணி” திரைப்படத்தின் மூலம் இயக்குனராக அறிமுகமாகி ரசிகர்களின் கவனத்தை ஈர்த்தார். அதனைத் தொடர்ந்து, தளபதி விஜய்யுடன் இணைந்து “தெறி”, “மெர்சல்”, “பிகில்” என அடுத்தடுத்து பிளாக்பஸ்டர் வெற்றிப் படங்களைக் கொடுத்து, தமிழ் சினிமாவின் முன்னணி மற்றும் அதிக வசூல் குவிக்கும் இயக்குனர்களின் பட்டியலில் தனக்கென ஒரு தனி இடத்தைப் பிடித்தார்.

தமிழ் திரையுலகைத் தாண்டி, பாலிவுட் சூப்பர் ஸ்டார் ஷாருக்கான் நடித்த “ஜவான்” திரைப்படத்தின் மூலம் இந்திய அளவில் மிகப்பெரிய சாதனையைப் படைத்து, இந்தி திரையுலகிலும் அட்லீ கால் பதித்தார். அண்மையில் வருண் தவான் நடிப்பில் உருவான “பேபி ஜான்” திரைப்படத்தைத் தயாரித்த அவர், தற்போது தெலுங்கு சூப்பர் ஸ்டார் அல்லு அர்ஜுன் மற்றும் தீபிகா படுகோன் இணையும் பிரம்மாண்ட சயின்ஸ் ஃபிக்‌ஷன் சூப்பர் ஹீரோ திரைப்படமான “ராக்கா” படத்தின் பணிகளில் தீவிரமாக ஈடுபட்டு வருகிறார். திரையுலகில் அடுத்தடுத்த உச்சங்களைத் தொட்டு வரும் அட்லீ-பிரியா தம்பதியினருக்கு, தங்களின் பெண் குழந்தையின் வருகைக்காகப் பலரும் தங்களது வாழ்த்துகளைத் தெரிவித்து வருகின்றனர்.