அவங்க கிட்ட இருந்து தப்பிக்கதான் இப்படி பண்ணேன்…! கடன் தொல்லையால் கழுத்தை அறுத்த இளைஞர்..! விசாரணையில் வெளிவந்த பகீர் சம்பவம்..!!

உத்தரப் பிரதேச மாநிலம் பியூ லிமிடெட் கன்ட் காவல் நிலையப் பகுதிக்குட்பட்ட சனேட்டா கிராமத்தில் ஒரு அதிர்ச்சியூட்டும் சம்பவம் நடந்துள்ளது. அங்குள்ள மிலிட்டரி மருத்துவமனை அருகில் உள்ள மருத்துவக் கடையில் வேலை செய்யும் விவேக் என்ற இளைஞர், மொபைலில் ஆன்லைன் சூதாட்டமான ‘ஐபிஎல் வின்’ கேமிற்கு அடிமையாகி இருந்தார். இந்த சூதாட்ட விளையாட்டில் அவர் படிப்படியாக சுமார் 6 லட்ச ரூபாய் வரை பணத்தை இழந்துள்ளார்.

சூதாட்டத்தில் பணத்தை இழந்ததுடன், விவேக் சுற்றியுள்ளவர்களிடம் சுமார் 1.5 லட்ச ரூபாய் வரை கடனும் வாங்கிருந்தார். அவருக்கு மாதந்தோறும் கிடைக்கும் 30 ஆயிரம் ரூபாய் சம்பளத்தில் 10 ஆயிரம் ரூபாய் கடனை அடைப்பதற்கே சரியாக இருந்தது, இதனால் மற்ற கடன் கொடுத்தவர்கள் பணத்தை திருப்பிக் கேட்டு தொடர்ந்து அழுத்தம் கொடுத்து வந்தனர். இதனால் ஏற்பட்ட மன அழுத்தத்தின் காரணமாக அவர் தனது அறையை பூட்டிக்கொண்டு தனது கழுத்தை அறுத்துக்கொள்ள முயன்றார்.

இதைக் கண்ட அக்கம் பக்கத்தினர் உடனடியாக தகவலும் கொடுத்ததன் அடிப்படையில், குடும்பத்தினர் அவரை மீட்டு ரத்த வெள்ளத்தில் மாவட்ட மருத்துவமனைக்கு சிகிச்சைக்காக அனுமதித்தனர். இதற்கிடையே, இதுகுறித்து விசாரணை மேற்கொண்ட காவல்துறையினர், கடன் கொடுத்தவர்களிடம் இருந்து தப்பிக்கவும் அவர்களை பயமுறுத்தவுமே இந்த நாடகத்தை அந்த இளைஞர் அரங்கேற்றியதாகத் தெரிவித்துள்ளனர். மேலும், இதுதொடர்பாக குடும்பத்தினர் எந்தவிதமான அதிகாரப்பூர்வ புகாரும் அளிக்க மறுத்துவிட்டதாகவும், விவேக் தனக்கு எந்த சட்டப்பூர்வ நடவடிக்கையும் தேவையில்லை என்று கூறியுள்ளதாகவும் போலீஸார் தரப்பில் தெரிவிக்கப்பட்டுள்ளது.