“என்னை கல்யாணம் பண்ணிக்க.. இல்லனா அவ்ளோதான்!” திருமணத்திற்கு No சொன்ன 17 வயது காதலி… ஓடும் காரில் காதலன் வெறிச்செயல்.. நடுங்க வைக்கும் சம்பவம்..!!

மத்தியப் பிரதேச மாநிலம் குவாலியரில், தன்னைத் திருமணம் செய்ய மறுத்த 17 வயது இளம் காதலியை ஓடும் காரில் வைத்துத் துப்பட்டாவால் கழுத்தை நெரித்துக் கொடூரமாகக் கொலை செய்த காதலன் மற்றும் அவனது உறவினரை உறைந்துபோகும் 12 மணி நேரத்திற்குள் காவல்துறையினர் அதிரடியாகக் கைது செய்துள்ளனர். குவாலியரின் அவாத் புராவைச் சேர்ந்த அந்தச் சிறுமி, உள்ளூர் புடவைக் கடை ஒன்றில் வேலை பார்த்து வந்துள்ளார். காதலன் இஷான் கான் வேறு ஒரு பெண்ணுடன் பழகியதால் அவரிடமிருந்து அந்தச் சிறுமி படிப்படியாக விலகத் தொடங்கியுள்ளார்; அதே நேரத்தில் சிறுமியின் பெற்றோர் அவருக்கு வேறு இடத்தில் திருமண ஏற்பாடுகளையும் செய்துள்ளனர். இதனால் ஆத்திரமடைந்த இஷான் கான், கடந்த ஞாயிற்றுக்கிழமை இரவு வேலை முடிந்து வீடு திரும்பிக் கொண்டிருந்த சிறுமியைத் தனது உறவினர் அர்பாஸ் கானுடன் சேர்ந்து பலேனோ காரில் வலுக்கட்டாயமாகக் கடத்திச் சென்றுள்ளார்.

கடத்தப்பட்ட காரில் வைத்து இஷான் தன்னைத் திருமணம் செய்துகொள்ளுமாறு வற்புறுத்திய போது சிறுமி திட்டவட்டமாக மறுத்ததால் இருவருக்கும் இடையே கடுமையான வாக்குவாதம் வெடித்துள்ளது. இதில் அசுர வெறி கொண்ட இஷான் கானின் தூண்டுதலின் பேரில், அர்பாஸ் சிறுமியின் கைகளை இறுக்கமாகப் பிடித்துக்கொள்ள, இஷான் தனது காதலியின் சொந்தத் துப்பட்டாவாலேயே அவரது கழுத்தை நெரித்துக் கொடூரமாகக் கொலை செய்துள்ளார். பின்னர், சடலத்தைப் புதருக்குள் வீசிவிட்டுத் தப்பியோடியுள்ளனர். மறுநாள் திங்கட்கிழமை காலை புதரில் இருந்து சிறுமியின் சடலம் மீட்கப்பட்டதை அடுத்து, கம்பூ காவல் நிலைய போலீஸார் சிசிடிவி (CCTV) காட்சிகளை ஆய்வு செய்து, கடத்தலுக்குப் பயன்படுத்தப்பட்ட இரவல் காரின் எண்ணை வைத்துக் கொலையாளிகளைக் கச்சிதமாகக் கண்டறிந்தனர். தற்பொழுது கொடூரக் காதலன் இஷான் கான் மற்றும் அவனது கூட்டாளி அர்பாஸ் ஆகிய இருவரையும் கம்பிக் குள் தள்ளிய போலீஸார், அவர்களிடம் தீவிர விசாரணை மேற்கொண்டு வருகின்றனர்.