“அடக் கொடுமையே.. கைகள் கட்டப்பட்டு, முகம் டேப்பால் மூடப்பட்டு..” குளியலறையில் சடலமாகக் கிடந்த 34 வயது பெண்.. நடுங்க வைக்கும் பின்னணி..!!

ஹரியானா மாநிலம் குருகிராமின் சோனா அருகே உள்ள டோலா கிராமத்தில், நீது (34) என்ற பெண் தனது வீட்டின் குளியலறையில் கைகள் கட்டப்பட்ட நிலையிலும், முகம் ஒட்டும் டேப்பால் மூடப்பட்ட நிலையிலும் சடலமாக கண்டெடுக்கப்பட்ட சம்பவம் பெரும் அதிர்ச்சியை ஏற்படுத்தியுள்ளது. ஒரு தனியார் பள்ளியில் ஆசிரியராகப் பணிபுரியும் இவரது கணவர் பிரசாந்த், வெள்ளிக்கிழமை மதியம் 2 மணியளவில் குழந்தைகளுடன் பள்ளியிலிருந்து வீட்டிற்குத் திரும்பியபோது இந்தத் துயரச் சம்பவத்தைக் கண்டுள்ளார். வீடு முழுவதும் பொருட்கள் சிதறிக்கிடந்து, சூறையாடப்பட்டிருந்ததைக் கண்டு அதிர்ச்சியடைந்த அவர், குளியலறையில் மயங்கிக் கிடந்த தனது மனைவியை மீட்டு சோனாவில் உள்ள ஒரு தனியார் மருத்துவமனைக்குக் கொண்டு சென்றுள்ளார். ஆனால், அங்குப் பரிசோதித்த மருத்துவர்கள் நீது ஏற்கனவே இறந்துவிட்டதாகத் தெரிவித்துள்ளனர்.

தகவலறிந்து சம்பவ இடத்திற்கு விரைந்து வந்த காவல்துறையினர் மற்றும் தடயவியல் ஆய்வகக் குழுவினர் அங்குள்ள முக்கிய ஆதாரங்களைச் சேகரித்து விசாரணையைத் தொடங்கியுள்ளனர். பொருட்கள் சிதறிக் கிடந்ததை வைத்து இது ஒரு கொள்ளைச் சம்பவமாக இருக்கலாம் எனச் சந்தேகிக்கப்பட்டாலும், கொலைக்கான உண்மையான நோக்கம் இன்னும் கண்டறியப்படவில்லை என்றும், வீட்டிலிருந்து ஏதேனும் பொருட்கள் திருடப்பட்டுள்ளதா என்பது இன்னும் உறுதி செய்யப்படவில்லை என்றும் மூத்த காவல் அதிகாரி தெரிவித்துள்ளார். தற்பொழுது அடையாளம் தெரியாத குற்றவாளிகள் மீது வழக்குப் பதிவு செய்யப்பட்டு, அப்பகுதியில் உள்ள சிசிடிவி காட்சிகளை ஆய்வு செய்து போலீசார் தீவிரமாகத் துப்புத்துலக்கி வருகின்றனர்.