“7-ஆம் வகுப்பு சிறுவன் முதல் கல்லூரி மாணவர் வரை…” அடுத்தடுத்து நடந்த 6 மரணங்கள்.. பின்னணியில் உள்ள பயங்கர உண்மை..!!

உத்தரப் பிரதேசம், ராஜஸ்தான், மத்தியப் பிரதேசம் மற்றும் இமாச்சலப் பிரதேசம் போன்ற பல்வேறு மாநிலங்களில், போட்டித் தேர்வுகளுக்குத் தயாராகி வந்த மாணவர்கள் மற்றும் பள்ளி, கல்லூரி மாணவர்கள் என அடுத்தடுத்து ஆறு பேர் தற்கொலை செய்துகொண்ட துயரச் சம்பவங்கள் பெரும் அதிர்ச்சியை ஏற்படுத்தியுள்ளன. கான்பூர் மற்றும் சீகாரில் நீட் தேர்வுக்குத் தயாராகி வந்த மாணவர்களும், இந்தூரில் யுபிஎஸ்சி தேர்வுக்குப் படித்து வந்த மாணவரும் தங்களின் இன்னுயிரை மாய்த்துக்கொண்டனர். தேர்வு பயம், குடும்ப எதிர்பார்ப்பு மற்றும் கடுமையான மனஅழுத்தம் ஆகியவையே இத்தகைய முடிவுகளுக்கு முக்கிய காரணங்களாகக் கூறப்படுகின்றன.

போட்டித் தேர்வு மாணவர்கள் மட்டுமின்றி, சிர்மூரில் கணினிப் பயன்பாட்டியல் படித்து வந்த கல்லூரி மாணவர், மெயின்புரியில் பிளஸ்-2 படித்து வந்த பள்ளி மாணவர் மற்றும் மகோபாவில் ஏழாம் வகுப்பு படித்து வந்த சிறுவன் ஆகியோரும் தற்கொலை செய்துகொண்ட சம்பவங்கள் சமூகத்தில் பெரும் கவலையை ஏற்படுத்தியுள்ளன. இந்த இளம் வயதினரிடையே அதிகரித்து வரும் மனஅழுத்தத்தைக் கையாளவும், தற்கொலை எண்ணங்களைத் தடுக்கவும் கல்வி நிறுவனங்களிலும் குடும்பங்களிலும் முறையான மனநல ஆலோசனைகளும் ஆதரவும் வழங்கப்பட வேண்டும் என்ற கோரிக்கை வலுத்துள்ளது.