“நள்ளிரவில் பையைத் திறந்து பார்த்தபோது…” நடுவழியில் குழந்தையுடன் கதறிய தாய்.. ரயிலில் அரங்கேறிய பகீர் நகை கொள்ளை… டிடிஇ செய்த காரியம்… பரபரப்பு பின்னணி..!!

டெல்லியிலிருந்து மேற்கு வங்கம் நோக்கிச் சென்ற ரயிலின் ஃபர்ஸ்ட் ஏசி பெட்டியில் பயணம் செய்த பெண் ஒருவரின் ரூ.3 லட்சம் மதிப்புள்ள தங்க நகைகள் நள்ளிரவில் திருடப்பட்ட சம்பவமும், சங்கிலியை இழுத்து ரயிலை நிறுத்தியும் ரயில்வே போலீஸார் உதவ வராத அவலமும் பயணிகளிடையே பெரும் அதிர்ச்சியை ஏற்படுத்தியுள்ளது. 15726 எண்கொண்ட ரயிலில் தனது குழந்தையுடன் பயணித்த அந்தப் பெண், நள்ளிரவில் ஆழ்ந்த உறக்கத்தில் இருந்தபோது மர்ம நபர் எவரோ அவரது பையைத் திறந்து நகைகளைக் கொள்ளையடித்துள்ளனர். உறக்கம் கலைந்து எழுந்து பார்த்தபோது பை சிதறிக்கிடப்பதையும் நகைகள் காணாமல் போனதையும் கண்டு அதிர்ச்சியடைந்த அவர், பதற்றத்தில் ரயிலின் அவசரக் கால சங்கிலியை இழுத்து ரயிலை நிறுத்தியுள்ளார்.

ரயில் லக்னோ நிலையத்தில் நின்றபோதிலும், அந்தப் பெண்ணின் அவலக் குரலைக் கேட்டு எந்தவொரு ஆர்பிஎஃப், ஜிஆர்பி போலீஸாரோ அல்லது டிடிஇ அதிகாரியோ உதவிக்கு வரவில்லை. பாதிக்கப்பட்ட பெண் உடனடியாகப் புகாரளித்த போதிலும், நீண்ட நேரமாகியும் அதிகாரிகள் யாரும் சம்பவ இடத்திற்கு வராததால் அவர் தனது குழந்தையை அணைத்துக்கொண்டு ரயில் நிலையத்திலேயே கண்ணீர் விட்டு அழுதுள்ளார். ரயில்களில் பாதுகாப்பான பயணத்திற்காகப் கூடுதல் பணம் கொடுத்து ஃபர்ஸ்ட் ஏசி டிக்கெட் முன்பதிவு செய்யும் பயணிகளுக்கே இந்த நிலை ஏற்பட்டுள்ளது ரயில்வே பாதுகாப்பைக் கேள்விக்குறியாக்கியுள்ளது; எனினும், ரயிலில் பயணிக்கும் போது இவ்வளவு பெரிய தொகையிலான நகைகளைக் கொண்டு சென்றதும் விவாதப் பொருளாக மாறியுள்ளது.