“என் அண்ணனுடன் உனக்கு…” நெஞ்சில் ஏறி அமர்ந்து மனைவியை 179 முறை கொடூரமாக தாக்கிய கணவன்.. கதி கலங்க வைக்கும் பின்னணி..!!

பீகார் மாநிலம் ஆரா நகரில், கள்ளக்காதல் சந்தேகத்தின் பேரில் கணவன் பங்கஜ் என்பவர் தனது மனைவி ராக்கியின் நெஞ்சில் ஏறி அமர்ந்து, கத்தரிக்கோலால் 179 முறை கொடூரமாகக் குத்திய நெஞ்சை உலுக்கும் கொடூரம் அரங்கேறியுள்ளது. கடந்த 2019ஆம் ஆண்டு காதலித்துத் திருமணம் செய்துகொண்ட இந்தத் தம்பதியினருக்கு இரண்டு குழந்தைகள் உள்ளனர். எனினும், தனது மூத்த சகோதரருடன் ராக்கிக்குத் தவறான தொடர்பு இருப்பதாகச் சந்தேகப்பட்டு பங்கஜ் அவரை அடிக்கடி அடித்துத் துன்புறுத்தியுள்ளார். இதனால் கோபித்துக் கொண்டு பெற்றோர் வீட்டிற்குச் சென்ற மனைவியைக் கெஞ்சிக் கூத்தாடி மீண்டும் வீட்டிற்கு அழைத்து வந்த பங்கஜ், அக்டோபர் 28ஆம் தேதி இரவு தனது மொபைல் போனை ஹேக் செய்ததாகக் கூறி மீண்டும் தகராறில் ஈடுபட்டு, சுமார் 20 நிமிடங்களாக இந்த வெறித்தனமான தாக்குதலை நடத்தியுள்ளார்.

ராக்கி உயிருக்குப் போராடிக் கொண்டிருந்த நிலையில், அவரது மாமனாரும் மைத்துனரும் அவரை மீட்டு உடனடியாக மருத்துவமனையில் அனுமதித்தனர் Live Hindustan. சுமார் 48 மணி நேரப் போராட்டத்திற்குப் பிறகு சுயநினைவு திரும்பிய ராக்கி, தனக்கு நேர்ந்த இந்த கொடூரக் கொடுமைகளை வாக்குமூலமாக அளித்துள்ளார். உடலில் நூற்றுக்கும் மேற்பட்ட தையல்களுடன் தீவிர சிகிச்சைப் பிரிவில் அனுமதிக்கப்பட்டுள்ள ராக்கிக்குத் தொடர்ந்து சிகிச்சை அளிக்கப்பட்டு வருகிறது. இச்சம்பவம் குறித்து வழக்குப் பதிவு செய்துள்ள ஆரா நகரப் போலீஸார், தப்பியோட முயன்ற கொடூரக் கணவன் பங்கஜைக் கைது செய்து சிறையில் அடைத்துள்ளனர்