“2062-ல தான் நான் நிம்மதியா இருப்பேன்..” தூக்கத்தை தொலைத்த த்ரிஷா..! வைரலாகும் அந்த ஒரு இன்ஸ்டா பதிவு..!!

தமிழ் திரையுலகில் பல ஆண்டுகளாக முன்னணி நடிகையாகத் திகழும் த்ரிஷா, தற்போது 42 வயதிலும் மிகவும் பிஸியான நடிகையாக வலம் வருகிறார். இவரது நடிப்பில் ‘கருப்பு’ திரைப்படம் விரைவில் வெளியாக உள்ளது. சமீபத்தில் நடைபெற்ற இப்படத்தின் விழாவில் த்ரிஷா கலந்துகொள்ளவில்லை, இது குறித்து ரசிகர்கள் சமூக வலைதளங்களில் பல்வேறு கேள்விகளை எழுப்பி வந்தனர்.

இந்நிலையில், த்ரிஷா தனது இன்ஸ்டாகிராம் பக்கத்தில் தூக்கமின்மை குறித்து ஒரு சுவாரஸ்யமான பதிவைப் பகிர்ந்துள்ளார். அதில், “நாம் ஒரு மணி நேரத் தூக்கத்தைத் தொலைத்தால், அதிலிருந்து மீண்டும் பழைய நிலைக்குத் திரும்ப நான்கு நாட்கள் ஆகும். அந்த அடிப்படையில் கணக்கிட்டுப் பார்த்தால், நான் 2062-ம் ஆண்டு தான் நன்றாக (Feeling Good) உணர்வேன்” என்று நகைச்சுவையாகக் குறிப்பிட்டுள்ளார்.

த்ரிஷாவின் இந்தத் தத்துவார்த்தமான மற்றும் வேடிக்கையான பதிவு தற்போது இணையத்தில் வைரலாகி வருகிறது. தொடர்ச்சியான படப்பிடிப்பு மற்றும் பணிகளால் போதிய உறக்கமின்றி இருக்கும் தனது நிலையை அவர் இப்படி நகைச்சுவையுடன் வெளிப்படுத்தியிருப்பதாக ரசிகர்கள் கருதுகின்றனர். திரையில் மட்டுமல்லாது சமூக வலைதளங்களிலும் த்ரிஷா எப்போதும் ஆக்டிவாக இருப்பதை இது காட்டுகிறது.