“மனைவிக்கு கடைசி முத்தம்…!” -எல்லாரையும் சிரிக்க வச்சவருக்கு இப்படி ஒரு சோகமா? ஆம்புலன்ஸுடன் சொந்த ஊர் திரும்பும் முத்துக்காளை…!

தமிழ் சினிமாவில் பல திரைப்படங்களில் நடித்து ரசிகர்களை சிரிக்க வைத்த பிரபல நகைச்சுவை மற்றும் ஸ்டண்ட் நடிகர் முத்துக்காளையின் குடும்பத்தில் தற்போது ஒரு பெரும் சோகம் நிகழ்ந்துள்ளது. கடந்த 19 நாட்களாக சென்னை கீழ்பாக்கத்தில் உள்ள அரசு மருத்துவமனையில் தீவிர சிகிச்சை பெற்று வந்த முத்துக்காளையின் மனைவி மாலதி வயது 47, இன்று காலை 9 மணியளவில் சிகிச்சை பலனின்றி காலமானார். தலையில் ஏற்பட்ட ரத்தக் கசிவு காரணமாக மருத்துவமனையில் அனுமதிக்கப்பட்டிருந்த அவரை காப்பாற்ற, முத்துக்காளை கடந்த இரண்டு வாரங்களுக்கும் மேலாகப் போராடி வந்த நிலையில், இந்தத் துயரச் செய்தி அவரது குடும்பத்தினரையும் ரசிகர்களையும் மீளாத் துயரத்தில் ஆழ்த்தியுள்ளது.

தனது மனைவியின் மருத்துவச் செலவுகளுக்குப் போதிய பணமில்லாமல் தவித்த முத்துக்காளை, அண்மையில் தமிழ்நாடு முதலமைச்சர் விஜய்யிடம் உதவி கோரி உருக்கமான வீடியோ ஒன்றை வெளியிட்டிருந்தார். இதையடுத்து, அமைச்சர் ராஜ்மோகன் உள்ளிட்டோர் நேரில் சென்று உரிய உதவிகளைச் செய்த போதிலும், மாலதியின் உயிரைக் காப்பாற்ற முடியாமல் போனது பெரும் சோகத்தை ஏற்படுத்தியுள்ளது. கடந்த ஆண்டுதான் தனது மகன் பள்ளித் தேர்வில் தேர்ச்சி பெற்று, ஐசரி கணேஷின் உதவியுடன் கல்லூரியில் சேர்ந்த மகிழ்ச்சியைக் கொண்டாடிய முத்துக்காளை, தற்போது தன் வாழ்நாளின் மிகச்சீரிய துணையை இழந்து கண்ணீரில் மூழ்கியுள்ளார்.

தற்போது மறைந்த மாலதியின் உடல் இறுதிச் சடங்கிற்காக அவரது சொந்த ஊரான விருதுநகர் மாவட்டம், ராஜபாளையம் தாலுகா, சங்கம்பட்டி திருக்கோதையாபுரம் கிராமத்திற்கு ஆம்புலன்ஸ் மூலம் எடுத்துச் செல்லப்படுகிறது. தனது மனைவியின் உடலுடன் நடிகர் முத்துக்காளை கண்ணீரோடு பயணித்து வரும் நிலையில், இறுதிச்சடங்குகள் இன்று இரவே அவரது சொந்த ஊரில் நடைபெறவுள்ளன. முத்துக்காளையின் மனைவி மறைந்த செய்தி அறிந்த திரை உலக பிரபலங்களும், ரசிகர்களும் அவருக்கு தங்களது ஆழ்ந்த இரங்கல்களையும் ஆறுதல்களையும் தெரிவித்து வருகின்றனர்.