“ரஜினி சொன்ன ‘சம்பிரதாயம்’.. பற்ற வைத்த ப்ளூ சட்டை மாறன்…!விஜய் – ரஜினி சந்திப்பு நடக்குமா? சூப்பர் ஸ்டாரின் அதிரடி முடிவு…!”

தமிழக சட்டமன்றத் தேர்தலில் முதல்முறையாகப் போட்டியிட்டு, மிகப்பெரிய மக்கள் சக்தியுடன் வெற்றிபெற்றுத் தமிழக முதலமைச்சராகப் பொறுப்பேற்றுள்ளார் நடிகர் விஜய். அவர் பதவியேற்ற பிறகு மு.க.ஸ்டாலின், அன்புமணி ராமதாஸ், வைகோ, திருமாவளவன், சீமான் எனப் பல்வேறு அரசியல் கட்சித் தலைவர்களை நேரில் சென்று சந்தித்தது அரசியல் அரங்கில் பெரும் பேசுபொருளானது. அதேசமயம், திரையுலகின் மூத்த ஆளுமைகளான ரஜினிகாந்த் மற்றும் கமல்ஹாசன் ஆகியோரை விஜய் நேரில் சந்திப்பாரா என்ற எதிர்பார்ப்பு நிலவிய சூழலில், உலகநாயகன் கமல்ஹாசன் மட்டும் முதலமைச்சர் விஜய்யை நேரில் சந்தித்துச் சினிமா துறை சார்ந்த சில முக்கியக் கோரிக்கைகளை முன்வைத்தது அனைவரது கவனத்தையும் ஈர்த்தது.

இப்படியானதொரு பின்னணியில் தான், ரஜினிகாந்த் நடத்திய செய்தியாளர் சந்திப்பில், “கமல்ஹாசனைத் தொடர்ந்து நீங்களும் முதலமைச்சர் விஜய்யை நேரில் சந்தித்து வாழ்த்து தெரிவிப்பீர்களா?” எனப் பத்திரிகையாளர்கள் கேள்வி எழுப்பினர். இதற்குப் பதிலளித்த சூப்பர் ஸ்டார் ரஜினிகாந்த், “சம்பிரதாயத்துக்காக யாரையும் சந்திக்க வேண்டிய அவசியம் எனக்கு இல்லை” என்று கூறி, தம்மால் விஜய் அவர்களைச் சம்பிரதாய ரீதியாகச் சந்திக்க முடியாது என்பதைத் தனது அசாத்திய பாணியில் தெளிவாகவும் நேரடியாகவும் வெளிப்படுத்தினார். ரஜினியின் இந்தத் திட்டவட்டமான பதில் விஜய் ரசிகர்களிடையேயும் அரசியல் வட்டாரத்திலும் விவாதங்களை கிளப்பியுள்ளது.

இதற்கிடையே, ரஜினிகாந்தின் இந்தச் ‘சம்பிரதாய’ விளக்கத்தைக் குறிப்பிட்டுச் சினிமா விமர்சகர் ப்ளூ சட்டை மாறன் தனது எக்ஸ் (X) பக்கத்தில் ரஜினியைக் கடுமையாக மடக்கிக் கேள்வி எழுப்பியுள்ளார். “தேர்தலில் திமுக தோற்றவுடன் ஸ்டாலினை நேரில் சென்று சந்தித்தது மட்டும் சம்பிரதாயம் இல்லையா?” என்று அவர் கேள்வி எழுப்பியுள்ளார். மு.க. ஸ்டாலின் அவர்கள் தனது 40 ஆண்டுகால நண்பர் என்றும், கொளத்தூரில் அவர் தோல்வியடைந்ததைத் தன்னால் ஏற்றுக்கொள்ள முடியாத காரணத்தினாலேயே அவரை நேரில் சென்று ஆறுதல் கூறச் சந்தித்தேன் என்றும் ரஜினிகாந்த் அதே பிரஸ் மீட்டில் விளக்கம் அளித்திருந்தது குறிப்பிடத்தக்கது. இருப்பினும், ப்ளூ சட்டை மாறனின் இந்த விமர்சனப் பதிவு தற்போது இணையத்தில் வைரலாகி வருகிறது.