பிரதமரைத் தொடர்ந்து முதலமைச்சர் விஜய்!”…திடீரென முதலமைச்சர் விஜய்யை நேரில் சந்தித்த குஷ்பு குடும்பம்”…அதற்குள் வீட்டில் கேட்கும் கெட்டிமேள சத்தம் – மாப்பிள்ளை யார் தெரியுமா…!

கோலிவுட் திரையுலகில் 80-களின் இறுதியில் அறிமுகமாகி, ரசிகர்களின் பேராதரவோடு உச்ச நட்சத்திரமாக வலம் வந்தவர் நடிகை குஷ்பு. ‘முறைமாமன்’ திரைப்படத்தில் நடித்தபோது அதன் இயக்குநர் சுந்தர்.சியுடன் ஏற்பட்ட காதல், கடந்த 2000-ம் ஆண்டில் திருமணத்தில் முடிந்தது. இத்தம்பதியருக்கு அவந்திகா, அனந்திதா என்ற இரு மகள்கள் உள்ளனர். இவர்கள் இருவருமே பெற்றோர் வழியில் சினிமாத்துறையில் தடம் பதித்துள்ளனர். மூத்த மகள் அவந்திகா மலையாளத்தில் ‘ஆரம்பம்’ என்ற படம் மூலம் நடிகையாக அறிமுகமாகியுள்ளார்; இளைய மகள் அனந்திதா மணிரத்னத்திடம் உதவி இயக்குநராகப் பணியாற்றிவிட்டு, தற்போது ‘டபுள் ஆக்குபென்சி’ என்ற படத்தில் கிரியேட்டிவ் தயாரிப்பாளராகப் பொறுப்பேற்றுள்ளார்.

தற்போது குஷ்பு – சுந்தர்.சி தம்பதியரின் மூத்த மகளான அவந்திகாவுக்கும், அவரது காதலர் ஷ்ரவன் சீனிவாசனுக்கும் விரைவில் திருமணம் நடைபெறவுள்ளது. பெற்றோரின் சம்மதத்துடன் உறுதியாகியுள்ள இந்தத் திருமணத்திற்கான ஏற்பாடுகள் தற்போது மிக ஜரூராக நடந்து வருகின்றன. இதன் ஒரு பகுதியாக, சமீபத்தில் குஷ்பு தனது குடும்பத்தினருடன் டெல்லிக்குச் சென்று பாரதப் பிரதமர் நரேந்திர மோடியை நேரில் சந்தித்து திருமணத்திற்கான முதல் அழைப்பிதழை வழங்கியிருந்தார்.

இதனைத் தொடர்ந்து, குஷ்பு தனது குடும்பத்துடன் தமிழ்நாடு முதலமைச்சர் விஜய்யை அவரது இல்லத்தில் நேரில் சந்தித்து திருமணப் பத்திரிகையை வழங்கியுள்ளார். இச்சந்திப்பு குறித்து நெகிழ்ச்சியுடன் எக்ஸ் (X) பக்கத்தில் பதிவிட்டுள்ள குஷ்பு, “எனது அன்புச் சகோதரரும், முதலமைச்சருமான விஜய்யைச் சந்தித்தது எங்கள் குடும்பத்திற்கு மறக்க முடியாத தருணம். பிஸியான நேரத்திலும் எங்களை இன்முகத்தோடு வரவேற்று வாழ்த்திய அவரது அன்பிற்கும், ஆசிர்வாதங்களுக்கும் வார்த்தைகளால் நன்றி சொல்ல முடியாது” எனக் குறிப்பிட்டுள்ளார். குஷ்பு மீது முதலமைச்சர் விஜய்க்கு எப்போதும் தனிப் பிரியம் உண்டு என்பதால், இந்தத் திருமண விழாவில் அவர் கண்டிப்பாகக் கலந்துகொள்வார் என்று எதிர்பார்க்கப்படுகிறது.