என் சொந்த வாழ்க்கையில் உணர்ந்தேன்…அந்த 3 நாட்கள் மட்டும் போதாது…சமந்தா கைகொடுத்த புதிய புரட்சி…மாதம் முழுவதும் உடலைக் கவனியுங்கள்…சமந்தா மற்றும் மகேஸ்வரி மூர்த்தியின் கூட்டணி…பெண்களுக்கான மாஸ் அப்டேட்…!

பெண்களின் உடல்நலம் மற்றும் சுகாதாரம் குறித்த விழிப்புணர்வு உலகளவில் புதிய பரிமாணத்தை எட்டி வரும் நிலையில், ‘Cycle Wellness’ (மாதவிடாய் சுழற்சி ஆரோக்கியம்) என்ற புதிய அணுகுமுறை பரவலான கவனத்தைப் பெற்று வருகிறது. பாரம்பரியமாக மாதவிடாய் பராமரிப்பு என்பது குறிப்பிட்ட அந்த சில நாட்களை மட்டும் நிர்வகிப்பதாகவே இருந்து வந்துள்ளது. ஆனால், இந்த சிந்தனையை மாற்றி, பெண்கள் தங்களின் ஒட்டுமொத்த மாதவிடாய் சுழற்சியின் பல்வேறு கட்டங்களான ஹார்மோன் மாற்றங்கள், ஆற்றல் நிலைகள் மற்றும் மனநிலை மாற்றங்கள் ஆகியவற்றை முழுமையாகப் புரிந்துகொள்ள ஊக்குவிக்கிறது ‘ZOY’ என்ற பெண்கள் சுகாதாரப் பிராண்ட். மகேஸ்வரி மூர்த்தி நிறுவிய இத்துளிர் நிறுவனத்தில், பிரபல முன்னணி நடிகை சமந்தா ரூத் பிரபு இணை நிறுவனராகப் பொறுப்பேற்று, இந்த ஆரோக்கியப் புரட்சியை இந்தியப் பெண்களிடையே தீவிரமாக முன்னெடுத்து வருகிறார்.

பெண்கள் தங்களின் உடலின் தேவைகளை மாதம் முழுவதும் கூர்ந்து கவனிக்க வேண்டும் என்ற கொள்கையின் அடிப்படையில், ‘ZOY’ பிராண்ட் புதுமையான பல தயாரிப்புகளைச் சந்தையில் அறிமுகப்படுத்தியுள்ளது. ஆன்டி-பாக்டீரியல் மற்றும் ஹெர்பல் சானிட்டரி பேடுகள், ஹெர்பல் வெல்னஸ் லைனர்கள், டிஸ்போசபிள் பீரியட் பேண்ட்டீஸ், ரீயூசபிள் மென்ஸ்ட்ருவல் கப்கள் போன்ற பெண்களின் ஒட்டுமொத்த சுழற்சியின் ஒவ்வொரு கட்டத்திற்கும் தேவையான ஆதரவை வழங்கும் வகையில் இவை வடிவமைக்கப்பட்டுள்ளன. குறிப்பாக, பெண்களின் ஆரோக்கியத்திற்கு மிக முக்கியத்துவம் அளித்து உருவாக்கப்பட்டுள்ள இத்தயாரிப்புகளில் ரசாயனங்கள், பாராபென்கள், பிளாஸ்டிக்குகள் மற்றும் செயற்கை வாசனைத் திரவியங்கள் போன்ற எவ்வித தீங்கு விளைவிக்கும் பொருட்களும் சேர்க்கப்படவில்லை. இயற்கையான ஆர்கானிக் பருத்தி மற்றும் மூலிகைச் சாறுகள் மூலம் சுகாதாரத் தயாரிப்புகளின் தரத்தை இப்பிராண்ட் புதிய உயரத்திற்கு எடுத்துச் சென்றுள்ளது.

இதன் தொடர்ச்சியாக, நடிகை சமந்தா தோன்றும் புதிய டிஜிட்டல் பிரச்சாரத்தை ZOY தற்போது அறிமுகப்படுத்தியுள்ளது. இப் பிரச்சாரம் குறித்துப் பேசிய பிராண்ட் நிறுவனர் மகேஸ்வரி மூர்த்தி, பல ஆண்டுகளாக மாதவிடாய் பராமரிப்பு என்பது திரவத்தை உறிஞ்சுவதை மட்டுமே மையமாகக் கொண்டிருந்த நிலையை மாற்றி, பாதுகாப்பான பொருட்களால் ஆன தயாரிப்புகளைப் பற்றிய தெளிவை பெண்களிடம் ஏற்படுத்துவதே தங்கள் இலக்கு என்றார். அவரைத் தொடர்ந்து பேசிய நடிகை சமந்தா, “என் சொந்த உடல்நலப் பயணத்தில் நான் உணர்ந்த விஷயம், மாதந்தோறும் நம் உடலோடு நேரடியாகத் தொடர்புகொள்ளும் பொருட்களைப் பற்றி நாம் கண்டிப்பாக அறிந்திருக்க வேண்டும் என்பதுதான். வெறும் தயாரிப்புகளைத் தாண்டி, ‘Cycle Wellness’ குறித்த ஒரு ஆரோக்கியமான விவாதத்தை சமூகத்தில் ஏற்படுத்துவதே எங்களின் நோக்கம்” என்று நெகிழ்ச்சியுடன் பகிர்ந்துள்ளார். இயற்கை மற்றும் அறிவியலை ஒன்றிணைத்த ZOY-இன் இந்த முயற்சி, இந்தியப் பெண்களின் வாழ்வியலில் ஒரு முக்கிய மைல்கல்லாகப் பார்க்கப்படுகிறது.