மீண்டும் சேரும் SMS ஜோடி…இனிமேதான் ஜீவாவோட உண்மையான ஆட்டத்தை பார்க்கப்போறீங்க… ‘ஜாலியா இருந்த ஒருத்தன்’ படக்குழுவின் அதிரடி அறிவிப்பு…!

ஒரு காலத்தில் ‘சிவா மனசுல சக்தி’, ‘கோ’, ‘நண்பன்’ போன்ற சூப்பர் ஹிட் படங்கள் மூலம் தமிழ் சினிமாவின் சாக்லேட் பாயாக வலம் வந்தவர் நடிகர் ஜீவா. கடந்த சில ஆண்டுகளாக அவர் நடித்த திரைப்படங்கள் எதிர்பார்த்த வெற்றியைப் பெறாத நிலையில், தற்போது அவர் நடிப்பில் உருவாகி வரும் ‘ஜாலியா இருந்த ஒருத்தன்’ திரைப்படம் கோலிவுட்டில் பெரும் கவனத்தை ஈர்த்துள்ளது. ‘தலைவர் தம்பி’ படத்திற்குப் பிறகு ஜீவா நடிக்கும் இப்படத்தின் படப்பிடிப்பு முழுமையாக நிறைவடைந்து, தற்போது இறுதிக்கட்டப் பணிகள் (Post-production) விறுவிறுப்பாக நடைபெற்று வருகின்றன.

இளம் ரசிகர்களைக் கவரும் வகையில் காதல், நகைச்சுவை மற்றும் குடும்பக் கூறுகள் நிறைந்த கதையாக உருவாகியுள்ள இப்படத்தில், ஜீவாவுக்கு ஜோடியாக ‘லவ் டுடே’ புகழ் இவானா நடித்துள்ளார். ‘சிவா மனசுல சக்தி’, ‘பாஸ் என்கிற பாஸ்கரன்’, ‘ஒரு கல் ஒரு கண்ணாடி’ போன்ற பிளாக்பஸ்டர் காமெடிப் படங்களை இயக்கிய இயக்குநர் எம். ராஜேஷ் இப்படத்தை இயக்கியுள்ளார். பல ஆண்டுகளுக்குப் பிறகு ஜீவா – ராஜேஷ் கூட்டணி மீண்டும் இணைந்திருப்பதுடன், இப்படத்திற்கு யுவன் சங்கர் ராஜா இசையமைத்திருப்பது படத்தின் மீதான எதிர்பார்ப்பை பல மடங்கு எகிற வைத்துள்ளது.

சமீபத்தில் வெளியான இப்படத்தின் ஃபர்ஸ்ட் லுக் போஸ்டர் சமூக வலைதளங்களில் நல்ல வரவேற்பைப் பெற்ற நிலையில், இப்படத்தின் அதிகாரப்பூர்வ டீசர் வரும் ஜூன் 21-ஆம் தேதி வெளியாகும் என படக்குழுவினர் தற்போது அறிவித்துள்ளனர். தொடர் வெற்றிக்காகக் காத்திருக்கும் ஜீவாவின் திரைப்பயணத்தில் ‘ஜாலியா இருந்த ஒருத்தன்’ திரைப்படம் மிக முக்கியமான திருப்புமுனையாக இருக்கும் என்று கருதப்படுகிறது. இந்த வெற்றிக் கூட்டணி மீண்டும் பழைய மேஜிக்கை நிகழ்த்தி ஜீவாவிற்கு ஒரு மாபெரும் கம்பேக் படமாக அமையுமா என்பதைப் பொறுத்திருந்து பார்ப்போம்.