தந்தையின் மறைவிலும் விளம்பரமா…? விமர்சிக்கும் நெட்டிசன்கள்… நெட்டிசன்களிடம் சிக்கித் தவிக்கும் சாந்தனு பாக்கியராஜ்..!!!

தமிழ் சினிமாவின் முன்னணி நடிகரும், பிரபல இயக்குனருமான கே. பாக்கியராஜ் ஜூன் 27ஆம் தேதி திடீர் மாரடைப்பு காரணமாகத் தனது 73வது வயதில் காலமானார். திரைக்கதை மன்னன் என்று போற்றப்படும் இவரது மறைவு சினிமா உலகினரிடமும், அவரது குடும்பத்தினரிடமும் பெரும் சோகத்தை ஏற்படுத்தியது. அவரது மறைவுக்கு நேரில் வந்து ஆறுதல் கூறிய தமிழக முதல்வர் விஜய் உள்ளிட்ட பல பிரபலங்கள் சாந்தனு மற்றும் அவரது குடும்பத்தினருக்குத் தங்களது துயரங்களைப் பகிர்ந்து கொண்டனர்.

இந்நிலையில், தந்தையின் மறைவுக்கு நேரில் வந்து ஆறுதல் கூறிய முதல்வருக்கு நன்றி தெரிவித்து சாந்தனு சமூக வலைதளத்தில் பதிவு ஒன்றை வெளியிட்டிருந்தார். இதைப் பார்த்த நெட்டிசன்கள் பலர், “அப்பாவின் மரணத்திலும் சாந்தனு விளம்பரம் தேடுகிறாரா?” என்று விமர்சிக்கத் தொடங்கினர். சிலர் அவரை கிண்டல் செய்யும் விதமாகவும், இன்னும் சிலர் “பேசுபவர்கள் பேசட்டும், நீ உனது வேலையைப் பார்” என்றும் சமூக வலைதளங்களில் பல்வேறு கருத்துக்களைப் பதிவிட்டு ட்ரோல் செய்து வருகின்றனர்.

மேலும், சமீபத்தில் பாக்கியராஜின் அலுவலகத்தில் இருந்து அவர் எழுதியது போன்ற ஒரு கடிதம் வெளியானது. அதில் “என் கண்மணி சாந்தனுவை பார்த்துக் கொள்ளுங்கள்” என்று குறிப்பிட்டிருந்ததைச் சுட்டிக்காட்டிய நெட்டிசன்கள், ஏன் பாக்கியராஜ் தனது மகளைப் பற்றி அதில் எதுவும் குறிப்பிடவில்லை என்றும், சாந்தனு தனது தந்தையின் இறப்பை வைத்து விளம்பரம் தேடுகிறாரா என்றும் அடுத்தடுத்து கேள்விகளை எழுப்பி விமர்சித்து வருகின்றனர். இத்தகைய விமர்சனங்கள் ஏற்கனவே சோகத்தில் இருக்கும் அவரது குடும்பத்தினருக்கு மேலும் மனக்கஷ்டத்தை ஏற்படுத்தியுள்ளது