“என்னால நம்பவே முடியல..” வெற்றி விழாவில் கண்ணீர் விட்டு அழுத பிரபல நடிகை! வைரலாகும் நெகிழ்ச்சி வீடியோ!

விஷ்ணு விஷால் மற்றும் ஐஸ்வர்யா லட்சுமி நடிப்பில், இயக்குநர் செல்லா அய்யாவு மீண்டும் களமிறங்கியுள்ள திரைப்படமான ‘கட்டா குஸ்தி 2’ தற்போது திரையரங்குகளில் வெற்றிகரமாக ஓடிக்கொண்டிருக்கிறது. முதல் பாகத்தின் பிரம்மாண்ட வெற்றியால் ஏற்பட்ட மாபெரும் எதிர்பார்ப்பை இப்படம் முழுமையாக பூர்த்தி செய்துள்ளது. விமர்சன ரீதியாகவும், வசூல் ரீதியாகவும் அமோக வரவேற்பை பெற்றுள்ள இப்படம், வெளியான வெறும் ஆறு நாட்களிலேயே 20 கோடி ரூபாய்க்கும் மேல் வசூலித்து பாக்ஸ் ஆபிஸில் சாதனை படைத்து வருகிறது. குறிப்பாக, ஐஸ்வர்யா லட்சுமியின் அதிரடி ஆக்‌ஷன் காட்சிகளும், குழந்தை நட்சத்திரமான சாராவின் அசத்தலான நடிப்பும் ரசிகர்களை பெருமளவில் கவர்ந்துள்ளன. சாராவின் திறமையை பாராட்டி, அவரது கல்விச் செலவுகள் முழுவதையும் ஏற்பதாக வேல்ஸ் நிறுவனத்தின் தயாரிப்பாளர் ஐசரி கணேஷ் அறிவித்திருப்பது பலரது பாராட்டுகளையும் பெற்றுள்ளது.

இப்படத்தின் மாபெரும் வெற்றியைத் தொடர்ந்து, ரசிகர்களுக்கும் ஊடகங்களுக்கும் நன்றி தெரிவிக்கும் விழா சமீபத்தில் நடைபெற்றது. இந்த மகிழ்ச்சியான தருணத்தில், படத்தின் வெற்றிக்கு காரணமான இயக்குநர் செல்லா அய்யாவுக்கு தயாரிப்பாளர் 10 சவரன் தங்கச் செயினை பரிசாக வழங்கி கௌரவித்தார். இவ்விழாவில் மேடையேறிய கதாநாயகி ஐஸ்வர்யா லட்சுமி, உணர்ச்சிவசப்பட்டு ஆனந்தக் கண்ணீர் வடித்தார். படம் வெளியாகி ஐந்து நாட்களுக்குள்ளாகவே இவ்வளவு பெரிய வெற்றி விழாவை கொண்டாடுவதை தன்னால் நம்ப முடியவில்லை என்றும், ஒவ்வொரு நாளும் எந்த குறையும் இல்லாமல் சிறந்த உழைப்பை கொடுக்க வேண்டும் என்ற தங்களது கனவு நனவாகியுள்ளதாகவும் அவர் கூறினார். மேலும், குழந்தை நட்சத்திரம் சாராவுடனான தனது நெகிழ்ச்சியான அனுபவங்களை பகிர்ந்து கொண்ட அவர், தனக்கு கிடைத்த இந்த உணர்வுப்பூர்வமான வரவேற்பிற்காக ஒட்டுமொத்த படக்குழுவிற்கும் தனது மனமார்ந்த நன்றியைத் தெரிவித்தார்.