“பார்த்ததுமே ஓங்கி அறையணும்னு தோணுச்சு…”சரத்குமாரின் ரகசியத்தை போட்டு உடைத்த ராதிகா.. இதுவரை யாரும் அறியாத சுவாரசியப் பின்னணி..!!

நடிகர் சரத்குமார் தனது 72-வது பிறந்த நாளை இன்று கொண்டாடி வரும் வேளையில், சில நாட்களுக்கு முன்பு நடைபெற்ற விருது வழங்கும் விழாவில் அவரது மனைவி ராதிகா மற்றும் மகள் ரயான் ஆகியோர் அவரைப் பற்றி கலகலப்பாகப் பேசிய வீடியோ இணையத்தில் வைரலாகி வருகிறது. அந்த விழாவில் சிறந்த அம்மாவுக்கான விருதை ரயானிடமிருந்து பெற்றுக்கொண்ட ராதிகா, சரத்குமாரை முதன்முதலாகச் சந்தித்த அனுபவத்தைப் பகிர்ந்துகொண்டார். அப்போது, “அவரை முதல் தடவை பார்த்தபோதே ஓங்கி அறைய வேண்டும் என்று தோன்றியது; ஏனென்றால், அவர் ஒரு மொக்க ஜோக் சொல்லிவிட்டு அவரே சிரித்துக் கொண்டிருந்தார்” என்று கூறி அரங்கை அதிரவைத்தார். மேலும், சரத்குமார் ‘மொக்க ஜோக்ஸ்’களின் பல்கலைக்கழகம் என்றும், எந்நேரமும் அவரிடம் ஏதேனும் ஒரு மொக்க ஜோக் தயாராகவே இருக்கும் என்றும், இப்போதும் அவரிடம் அந்தப் பழக்கம் மாறவில்லை என்றும் ராதிகா வயிறு குலுங்க சிரிக்க வைக்கும்படி தெரிவித்தார்.

அவரைத் தொடர்ந்து பேசிய மகள் ரயானும், தான் சமூக வலைத்தளங்களில் மொக்க ஜோக்ஸ் வீடியோக்கள் போடுவதற்கு முக்கிய காரணமே சரத்குமார்தான் என்றும், அவரது மொக்க ஜோக்ஸிற்குப் பதிலடி கொடுக்கவே தான் வீடியோ போட ஆரம்பித்ததாகவும் குரோஷியின் கேள்விக்கு நகைச்சுவையுடன் பதிலளித்தார். இவற்றுடன், ஒரு அப்பாவாக சரத்குமார் எப்படி இருக்கிறார் என்பது குறித்தும் ராதிகா நெகிழ்ச்சியுடன் பேசினார். தான் ரயானைச் சிங்கிள் பேரெண்ட்டாக வளர்த்ததாகவும், ஆனால் மகன் விஷயத்தில் சரத்குமாரே முழுப் பொறுப்பையும் ஏற்றுக்கொண்டு எல்லாவற்றையும் கவனித்துக் கொள்கிறார் என்றும் அவர் குறிப்பிட்டார். சினிமாவில் ஆக்‌ஷன் ஹீரோவாக மிரட்டும் சரத்குமார், நிஜ வாழ்க்கையில் வீட்டுக்குள் மொக்க ஜோக்ஸ் சொல்லி குடும்பத்தையே சிரிக்க வைக்கும் இந்த சுவாரசியமான வீடியோவை ரசிகர்கள் தற்போது இணையத்தில் வேகமாகப் பகிர்ந்து வாழ்த்துகளைத் தெரிவித்து வருகின்றனர்.