“காதலுக்குக் கண்ணும் இல்லை… வயசும் இல்லை..!” 81 வயது பாட்டிக்கு 24 வயது காதலன்… விமான நிலையத்தில் நடந்த சினிமா பாணி சம்பவம்..! வியப்பில் இணையவாசிகள்..!!!

“அன்பிற்கு வயது எல்லையில்லை” என்ற பழமொழிக்கு ஏற்ப, பிரான்ஸைச் சேர்ந்த 81 வயது மூதாட்டி ஒருவருக்கும், ஆப்பிரிக்க நாடான செனகலைச் சேர்ந்த 24 வயது இளைஞருக்கும் இடையே இணையத்தின் மூலம் காதல் மலர்ந்துள்ளது. கடந்த இரண்டு ஆண்டுகளாக நேரில் சந்திக்காமல், வீடியோ கால்கள் மற்றும் குறுஞ்செய்திகள் மூலமாக மட்டுமே பேசி வந்த இந்த மூதாட்டி, தன் காதலனை நேரில் சந்திப்பதற்காக ஆயிரக்கணக்கான கிலோமீட்டர்கள் பயணம் செய்து செனகல் சென்றடைந்தார். செனகல் விமான நிலையத்தில் இருவரும் சந்தித்துக் கொண்ட வீடியோ தற்போது சமூக வலைதளங்களில் காட்டுத்தீ போல பரவி பெரும் விவாதத்தை ஏற்படுத்தியுள்ளது.

இன்றைய டிஜிட்டல் யுகத்தில் தூரம் ஒரு தடையில்லை என்பதை நிரூபித்துள்ள இத்தம்பதியரிடையே 57 ஆண்டுகள் வயது வித்தியாசம் உள்ளது. இணைய வழியில் 2 ஆண்டுகள் தொடர்ந்து தொடர்பில் இருந்த பிறகு, அந்த பிரெஞ்சு மூதாட்டி செனகல் விமான நிலையத்தில் தரையிறங்கியபோது, இருவரும் திரைப்பட பாணியில் ஒருவரை ஒருவர் கட்டியணைத்து தங்கள் அன்பை வெளிப்படுத்தினர். இந்த தருணத்தை யாரோ ஒருவர் கேமராவில் பதிவு செய்து இணையத்தில் வெளியிட, அது வைரல் செய்தியாக மாறியுள்ளது.

https://www.instagram.com/reel/DYnNoIsvC_-/?utm_source=ig_web_button_share_sheet

இவர்களின் இந்த உறவு வெறும் சந்திப்போடு நின்றுவிடவில்லை; தங்களது வாழ்க்கைப் பயணத்தை அடுத்த கட்டத்திற்கு எடுத்துச் செல்ல இவர்கள் முடிவெடுத்துள்ளனர். செனகலில் சந்தித்த பிறகு, இருவரும் பிரான்ஸ் திரும்புவதற்கான ஏற்பாடுகளைச் செய்து வருகின்றனர். மேலும், வரும் செப்டம்பர் மாதத்தில் அதிகாரப்பூர்வமாக திருமணம் செய்து கொள்ள திட்டமிட்டுள்ளனர். இந்தத் தகவல் வெளியானது முதல் சமூக வலைதளப் பயனர்கள் இரு வேறு கருத்துகளைத் தெரிவித்து வருகின்றனர்; சிலர் இதை வயதைத் தாண்டிய உண்மைக்காதல் எனப் பாராட்டினாலும், பலர் இது குறித்து கேள்விகளையும் சந்தேகங்களையும் எழுப்பி வருகின்றனர்.