“சூப்பர்ல..! இந்தியா-சீனா எல்லையில் ‘துஜே தேகா தோ’ பாடிய சீன வீரர்… இந்திய வீரர்களின் ரியாக்ஷனைப் பாருங்க..!!”

இந்தியா-சீனா எல்லை என்றாலே சட்டென்று நினைவுக்கு வருவது பதற்றமும் தீவிரப் பாதுகாப்பும்தான். ஆனால், தற்போது சமூக வலைதளங்களில் வைரலாகி வரும் ஒரு வீடியோ இதற்கு முற்றிலும் மாறுபட்ட ஒரு அழகான காட்சியைப் படம்பிடித்துக் காட்டுகிறது. அந்த வீடியோவில், இருநாட்டு வீரர்களுக்கும் இடையே நிலவும் நட்புறவான சூழலைக் கண்டு இணையவாசிகள் நெகிழ்ந்து போயுள்ளனர். சீன ராணுவ வீரர் ஒருவர் தனது மொபைல் போனில் வரிகளைப் பார்த்தபடி, பாலிவுட்டின் புகழ்பெற்ற ‘துஜே தேகா தோ யே ஜானா சனம்‘ என்ற பாடலைப் பாடுகிறார். அதைக் கண்டு எதிரே இருக்கும் இந்திய வீரர்கள் புன்னகையோடு அவரை வீடியோ எடுப்பதோடு, பாடலை இணைந்து ரசிப்பது காண்போரை வியப்பில் ஆழ்த்துகிறது.

மலைகளுக்கு நடுவே அமைந்துள்ள அந்த எல்லைப்பகுதியில், இருநாட்டு வீரர்களும் எவ்வித பதற்றமும் இன்றி மிக இயல்பாக அமர்ந்து உரையாடிக்கொண்டிருப்பதை வீடியோவில் காண முடிகிறது. சீன வீரர் முழு உற்சாகத்துடனும் தன்னம்பிக்கையுடனும் இந்திப் பாடலைப் பாடத் தொடங்கும் போது, இந்திய வீரர்களும் புன்னகையுடன் அவரோடு சேர்ந்து பாடத் தொடங்குகின்றனர். இந்திய வீரர்கள் வெறும் பார்வையாளர்களாக மட்டும் நிற்காமல், பாடலின் மெட்டிற்கு ஏற்ப தங்களது குரலையும் இணைத்துக் கொள்கின்றனர். அங்கிருந்த ஒரு வீரர் கேமராவைப் பார்த்துத் தனது மகிழ்ச்சியைப் வெளிப்படுத்த, மற்ற வீரர்கள் அனைவரும் இந்த நெகிழ்ச்சியான தருணத்தை சிரித்த முகத்தோடு ரசித்து மகிழ்கின்றனர்.

https://www.instagram.com/reel/Dbcv12fuXy6/?utm_source=ig_web_button_share_sheet

எல்லைகளில் எப்போதும் நிலவும் தீவிரச் சூழலுக்கு மத்தியில், இந்த வீடியோ உலகிற்கு ஒரு வித்தியாசமான அமைதிச் செய்தியைச் சொல்வது போல் அமைந்துள்ளது. இசை என்பது எல்லைகளையும் மொழிகளையும் கடந்து மனிதர்களை ஒன்றிணைக்கும் ஒரு பொதுவான மொழி என்பதை இச்சம்பவம் உணர்த்துகிறது என நெட்டிசன்கள் கருத்து தெரிவித்து வருகின்றனர். மனிதர்கள் எந்த நாட்டைச் சேர்ந்தவர்களாக இருந்தாலும், இசையும் உண்மையான புன்னகையும் எல்லாரையும் மிக நெருக்கமாக இணைத்துவிடும் என்பதற்கு சான்றாக அமைந்த இந்த சிறிய வீடியோ தற்போது பலரின் இதயங்களை வென்று வைரலாகி வருகிறது.