அய்யோ கடவளே..! முகம் சிதைக்கப்பட்டு ரத்த வெள்ளத்தில் கிடந்த பெண்.. ஜெராக்ஸ் கடை மூடச் சென்றபோது நடந்த கொடூரம்.. காவலரே செய்த வெறிச்செயல்.. மிரளவைக்கும் பின்னணி..!!

தூத்துக்குடி அருகே தனது அக்காவின் கள்ளக்காதலைக் கண்டித்த பிரியா (40) என்ற பெண்ணை, ஆத்திரமடைந்த தட்டாரமடம் காவல் நிலையக் காவலர் முத்துக்குமார் (33) என்பவர் இரும்புக்கம்பியால் சரமாரியாகத் தாக்கிக் கொடூரமாகக் கொலை செய்துள்ள அதிர்ச்சியூட்டும் சம்பவம் அப்பகுதியில் பெரும் பரபரப்பை ஏற்படுத்தியுள்ளது. தூத்துக்குடி முடிவைத்தானேந்தல் கிராமத்தைச் சேர்ந்த பிரியா, அங்கு ஜெராக்ஸ் கடை நடத்தி வந்துள்ளார். அவரது கணவனை இழந்த அக்கா சுப்புலட்சுமி, அதே ஊரைச் சேர்ந்த காவலர் முத்துக்குமாருடன் திருமணத்திற்கு மீறிய கள்ளக்காதல் உறவில் இருந்துள்ளார். இந்த விவகாரத்தை அறிந்த பிரியா தனது அக்காவைக் கண்டித்ததால், ஆத்திரமடைந்த முத்துக்குமார் நேற்று இரவு பிரியா தனது ஜெராக்ஸ் கடையை மூடச் சென்றபோது அங்கு வந்து அவருடன் பயங்கர வாக்குவாதத்தில் ஈடுபட்டுள்ளார்.

வாக்குவாதம் முற்றவே, கட்டுக்கடங்காத கோபத்தில் முத்துக்குமார் அருகில் கிடந்த கம்பை எடுத்துப் பிரியாவின் தலையிலும் முகத்திலும் சரமாரியாக அடித்ததில், முகம் சிதைந்து அவர் சம்பவ இடத்திலேயே ரத்த வெள்ளத்தில் துடிதுடித்துப் பரிதாபமாக உயிரிழந்தார். தகவல் அறிந்து விரைந்து வந்த புதுக்கோட்டை போலீஸார், பிரியாவின் சடலத்தைக் கைப்பற்றித் தூத்துக்குடி அரசு மருத்துவமனைக்கு அனுப்பி வைத்ததோடு, தப்பியோடிய காவலர் முத்துக்குமாரை அதிரடியாகக் கைது செய்துள்ளனர். விசாரணையில், இவர் ஏற்கனவே தனது மனைவியைப் பிரிந்து வாழ்ந்து வந்தவர் என்பதும், கடந்த காலத்தில் தனது மாமனார் உட்பட 2 பேரை அரிவாளால் வெட்டிய கொலை முயற்சி வழக்கில் ஜாமினில் வெளியே வந்தவர் என்பதும் அம்பலமாகியுள்ளது. இக்கொடூரக் கொலைச் சம்பவம் தற்பொழுது சமூக ஊடகங்களில் காட்டுத்தீயாகப் பரவி, பொதுமக்கள் மத்தியில் மாபெரும் கொந்தளிப்பை ஏற்படுத்தியுள்ளது.