இது வேற மாறி..! “கரப்பான் பூச்சி + திமுக” காங்கிரஸை கழற்றிவிடும் திமுக? ஸ்டாலின் போடும் ‘CJP’ புதிய கூட்டணி கணக்கு… தவெக-வுக்கு விழும் செக்..!!

சிஜேபி அமைப்பின் நிறுவனர் அபிஜித் தீப்கே, இந்தியாவின் சிறந்த முதலமைச்சர்களாக மு.க.ஸ்டாலின், பினராயி விஜயன் மற்றும் அரவிந்த் கெஜ்ரிவால் ஆகியோரைக் குறிப்பிட்டிருப்பது அரசியல் வட்டாரத்தில் தற்போதைய பேசுபொருளாக மாறியுள்ளது. அண்மையில் நடைபெற்ற ஊடக விவாதம் ஒன்றில் பேசிய அவர், தமிழ்நாட்டின் பொருளாதாரத்தை உயர்த்தியதற்காக ஸ்டாலினையும், சுகாதாரம் மற்றும் கல்வி உள்கட்டமைப்பை மேம்படுத்தியதற்காக முறையே பினராயி மற்றும் கெஜ்ரிவாலையும் பாராட்டியிருந்தார். எனினும், கடந்த தேர்தல்களில் மக்கள் செல்வாக்கை இழந்த இவர்களை “சிறந்த முதலமைச்சர்கள்” என்று அபிஜித் குறிப்பிட்டதை எதிர்க்கட்சிகள் கடுமையாக விமர்சித்து வருகின்றன.

தமிழ்நாட்டு அரசியலைப் பொறுத்தவரை, அண்மையில் இளம் வாக்காளர்களின் பெரும் ஆதரவுடன் அரசியல் களத்திற்கு வந்த சி. ஜோசப் விஜய்யின் தமிழக வெற்றிக் கழகத்தை எதிர்கொள்ள, திமுக பல்வேறு வியூகங்களை வகுத்து வருகிறது. இளைஞர்களிடையே கணிசமான செல்வாக்குடன் வளர்ந்து வரும் சிஜேபி போன்ற புதிய அரசியல் தாக்கங்களை தங்களுக்குச் சாதகமாகப் பயன்படுத்த திமுக முயல்வதாகவும், அதன் ஒரு பகுதியாகவே இத்தகைய கருத்துப் பரிமாற்றங்கள் அமைகின்றன என்றும் அரசியல் விமர்சகர்கள் கருதுகின்றனர்.

மறுபுறம், தேசிய அளவில் காங்கிரஸ் அல்லாத ஒரு மூன்றாவது கூட்டணியை உருவாக்குவதற்கான ஆரம்பகட்ட அச்சாரமாக இது பார்க்கப்படுகிறது. காங்கிரஸ் மற்றும் பாஜகவுக்கு மாற்றாக, சிஜேபி + திமுக + சிபிஎம் + ஆப் (CJP + DMK + CPM + AAP) ஆகிய கட்சிகள் ஒன்றிணைந்து கூட்டாட்சித் தத்துவத்தை முன்னிறுத்தும் ஒரு புதிய அரசியல் கூட்டணியைக் கட்டமைக்க இந்த அடித்தளம் உதவக்கூடும் என்ற எதிர்பார்ப்பும் பரவலாக எழுந்துள்ளது.