“எனக்கு நியாயம் வேணும்..!” காதலியின் கொடூரத் துரோகத்தால் செல்ஃபி வீடியோ எடுத்துட்டு 22 இளைஞன் எடுத்த விபரீத முடிவு.. நடுரோட்டில் இறங்கி கண்ணீருடன் போராடும் குடும்பத்தினர்… வைரல் வீடியோ.!!

ஆந்திர மாநிலம் நெல்லூர் மாவட்டம் வெங்கடாசலம் மண்டலத்தில், தனது காதலி தனக்குத் துரோகம் செய்துவிட்டு வேறொரு நபருடன் காதல் உறவைத் தொடர்ந்ததால் மனமுடைந்த சிவகுமார் (22) என்ற இளைஞர், உருக்கமாகச் செல்ஃபி வீடியோ எடுத்துவிட்டுத் தற்கொலை செய்துகொண்ட பதைபதைக்கும் விபரீதச் சம்பவம் பெரும் சோகத்தை ஏற்படுத்தியுள்ளது. கடந்த மூன்று ஆண்டுகளாக ஒரு இளம் பெண்ணை உயிருக்கு உயிராகக் காதலித்து வந்த சிவகுமார், அண்மைக்காலமாகத் தனது காதலி மற்றொருவனுடன் பழகி வந்ததை அறிந்து அசைக்க முடியாத இதய நொறுங்குதலுக்கு ஆளாகியுள்ளார். இதனால் கடுமையான விரக்தியின் உச்சத்துக்கே சென்ற அந்த இளைஞர், தனது மரணத்திற்கு முன் எடுத்த செல்ஃபி வீடியோவில் தனக்கு இழைக்கப்பட்ட அநீதியையும், தனக்குக் கண்டிப்பாக நியாயம் கிடைக்க வேண்டும் என்றும் கதறி அழுதுகொண்டே தனது இன்னுயிரை மாய்த்துக் கொண்டுள்ளார்.

https://twitter.com/pulsenewsbreak/status/2092774344439316737/video/1

சிவகுமாரின் இந்த நெஞ்சை உலுக்கும் தற்கொலை வீடியோ சமூக வலைத்தள பக்கங்களில் காட்டுத்தீயாய் பரவி நெட்டிசன்கள் மத்தியில் பெரும் அதிர்வலைகளைக் கிளப்பியுள்ளது. தனது மகனின் மரணத்திற்கு முழு முதற் காரணியாக இருந்த ‘அந்த’ ஏமாற்றுக்கார இளம் பெண்ணின் மீது காவல்துறையினர் உடனடியாக வழக்குப் பதிவு செய்துஅவளுக்குக் கடுமையான தண்டனை பெற்றுத் தர வேண்டும் என்று அவனது பெற்றோர் மற்றும் குடும்ப உறுப்பினர்கள் கண்ணீருடன் ருத்ரதாண்டவப் போராட்டத்தில் ஈடுபட்டு வருகின்றனர். வெங்கடாசலம் மண்டலப் போலீஸார் இந்தச் செல்ஃபி வீடியோ ஆதாரங்களைக் கையில் எடுத்துக்கொண்டு, அந்தப் பெண்ணின் ரகசியக் காதல் பின்னணி குறித்துத் தற்போது தீவிர விசாரணை நடத்தி வருகின்றனர்.