“ஜெயலலிதா போல திரிஷா வரக்கூடாது..? துணை முதலமைச்சர் பதவி மட்டுமல்ல, அதற்கு மேலும் தகுதியானவர்.. ரசிகை சொன்ன செம மாஸ் கருத்து..!!

நடிகை திரிஷா குறித்த ரசிகை ஒருவரின் கருத்துக்கள் மற்றும் அரசியல் பிரவேசம் குறித்த பேச்சுக்கள் தற்போது சமூக வலைதளங்களில் பெரும் விவாதப் பொருளாக மாறியுள்ளன. கடந்த ஆகஸ்ட் 15 அன்று நடைபெற்ற இந்தியாவின் 80வது சுதந்திர நாள் விழாவில் முதலமைச்சர் விஜய் தேசியக் கொடியை ஏற்றி உரையாற்றிய நிகழ்ச்சியிலும், அதனைத் தொடர்ந்து நடைபெற்ற நிகழ்வுகளிலும் நடிகை திரிஷாவும் அவரது தாயாரும் கலந்துகொண்டது பொதுமக்களின் கவனத்தை ஈர்த்தது. முதலமைச்சரின் பதவியேற்பு விழா முதல் சுதந்திர தின விழா வரை தொடர்ந்து அவர் கலந்துகொண்டு வருவது அரசியல் மற்றும் சினிமா வட்டாரங்களில் பல்வேறு விவாதங்களை ஏற்படுத்தியுள்ளது.

இந்த சூழலில், “திரிஷா துணை முதலமைச்சரானால் உங்களுக்கு சம்மதமா?” என்ற கேள்விக்கு பதிலளித்துள்ள ஒரு ரசிகை, மறைந்த முன்னாள் முதலமைச்சர் ஜெயலலிதாவை உதாரணமாகக் குறிப்பிட்டுப் பேசியுள்ளார். நடிகையாகத் தன் வாழ்க்கையைத் தொடங்கி, பல்வேறு போராட்டங்களைக் கடந்து சிறந்த அரசியல் தலைவராக ஜொலித்த ஜெயலலிதாவைப் போல திரிஷாவாலும் அரசியலில் சாதிக்க முடியும் என்று அவர் வாதிட்டுள்ளார். சினிமாவில் சுமார் 20 ஆண்டுகளுக்கும் மேலாகத் தொடர்ச்சியாக நீடித்து, பல பிரச்சனைகளைச் சமாளித்து வரும் திரிஷாவுக்கு நிர்வாகத் திறமையும் தைரியமும் உள்ளது என்றும் அவர் குறிப்பிட்டுள்ளார்.

மேலும், திரிஷா அரசியலுக்கு வருவதில் எந்தத் தவறும் இல்லை என்றும், அவரைத் தேர்தலில் போட்டியிட வைக்க வேண்டும் என்றும் அந்த ரசிகை தன் கருத்தை முன்வைத்துள்ளார். துணை முதலமைச்சர் பதவி மட்டுமல்லாமல், அதைவிட உயர்ந்த பதவிகளுக்கும் அவர் பொருத்தமானவர்தான் என்று புகழாரம் சூட்டியுள்ளார். ஒரு தைரியமான பெண்ணாகவும், பெண் சிங்கமாகவும் வர்ணித்துள்ள அவர், திரிஷா அரசியலில் களமிறங்கினால் பெண்களின் முழுமையான ஆதரவு அவருக்குக் கிடைக்கும் என்றும் திட்டவட்டமாகத் தெரிவித்துள்ளார்.