திரிஷா உங்க மனைவியா.? துணைவியா.? சகோதரியா.? உடனே சொல்லுங்க முதல்வரே… தமிழ்நாட்டை கேவலப்படுத்தாதீங்க.. அதிமுக மாஜி அமைச்சர் சண்முகநாதன் பரபரப்பு..!!

முன்னாள் அதிமுக அமைச்சர் எஸ்.பி. சண்முகநாதன், தமிழக முதல்வர் சி. ஜோசப் விஜய் லண்டன் சென்றபோது நடிகை திரிஷா அவருடன் இருந்ததாகக் கூறி கடும் விமர்சனங்களை முன்வைத்துள்ளார். தூத்துக்குடியில் செய்தியாளர்களிடம் பேசிய அவர், முதல்வர் விஜய் எந்த அரசு அல்லது பொது நிகழ்வுகளுக்குச் சென்றாலும் நடிகை திரிஷாவை உடன் அழைத்துச் செல்வதாகக் குற்றம் சாட்டியுள்ளார். இந்தத் தொடர் செயல்பாடுகள் தமிழகத்தின் பெயரைக் கெடுக்கும் விதமாக இருப்பதாக அவர் ஆவேசம் தெரிவித்துள்ளார்.

மேலும், முதல்வர் விஜய் மற்றும் நடிகை திரிஷா ஆகிய இருவருக்குள்ளும் என்ன உறவு இருக்கிறது என்பதைப் பகிரங்கமாகத் தெளிவுபடுத்த வேண்டும் என சண்முகநாதன் கேள்வி எழுப்பியுள்ளார். திரிஷா முதல்வரின் உடன் பிறவா சகோதரியா, மனைவியா அல்லது துணைவியா என்பதை மக்கள் மத்தியில் விஜய் விளக்க வேண்டும் என்று அவர் வலியுறுத்தியுள்ளார். இத்தகைய தனிப்பட்ட விவகாரங்கள் பொதுவெளியில் பேசுபொருளாகி தமிழகத்தைக் கேவலப்படுத்துவதைத் தவிர்க்க வேண்டும் என்றும் அவர் குறிப்பிட்டுள்ளார்.

அண்மையில் தமிழக முதல்வர் விஜய் லண்டனுக்கு அரசுமுறைப் பயணம் மேற்கொண்டபோது, அங்கிருந்த சில்வர்ஸ்டோன் பந்தயத் திடலில் நடிகர் அஜித் குமாரின் பந்தயத்தைக் காண நடிகை திரிஷாவுடன் சென்றிருந்த வீடியோக்கள் இணையத்தில் வைரலாகின. இதற்கு முன்னதாக, முதல்வரின் பதவியேற்பு விழா மற்றும் சுதந்திர தின விழாக்களிலும் விஜய்யின் குடும்பத்தினருடன் திரிஷா முன்வரிசையில் அமர்ந்திருந்தது அரசியல் வட்டாரத்தில் பெரும் விவாதங்களை ஏற்படுத்தியிருந்த நிலையில், தற்போது முன்னாள் அதிமுக அமைச்சர் சண்முகநாதன் இந்த விவகாரத்தைக் கையில் எடுத்து விமர்சித்துள்ளார்.