“நிலத் தரகர்கள் + போலீஸ் அராஜகம்..” பேஸ்புக் லைவில் வந்த பழங்குடியினப் பெண்.. மரண வாக்குமூலம் கொடுத்துவிட்டு எடுத்த கொடூர முடிவு..!!

ஜார்க்கண்ட் மாநிலத்தில், நிலத் தரகர்கள், காவல்துறை மற்றும் உள்ளூர் நிர்வாகத்தின் தொடர் அராஜகங்களால் மனமுடைந்த நிஷா என்ற பழங்குடியினப் பெண், முகநூலில் நேரலையில் வந்து தனது மரணத்திற்குத் காரணமானவர்களை அம்பலப்படுத்திவிட்டுத் தற்கொலை செய்துகொண்ட கொடூரச் சம்பவம் பெரும் அதிர்ச்சியை ஏற்படுத்தியுள்ளது. தனது பூர்வீக நிலத்தை நிலத் தரகர்கள் சிலர் சட்டவிரோதமாகப் பறிக்க முயன்றது குறித்தும், அதற்கு உள்ளூர் காவல்துறையினர் மற்றும் பழங்குடியின அரசாங்க அதிகாரிகள் உடந்தையாக இருந்து தங்களுக்கு அநீதி இழைத்தது குறித்தும் அவர் அந்த வீடியோவில் கண்ணீருடன் விவரித்துள்ளார். பலமுறை காவல் நிலையம் மற்றும் அரசு அலுவலகங்களுக்கு அலைந்தும் தனக்கு நீதி கிடைக்காததால், வாழும் ஆசையையே இழந்து இந்த விபரீத முடிவை எடுத்துள்ளதாக அவர் குறிப்பிட்டுள்ளார்.

தனது இறுதி வீடியோவில், தங்களுக்கு நேர்ந்த அநீதிகளுக்குக் காரணமான அதிகாரிகளின் பெயர்கள் மற்றும் நிலத் தரகர்களின் விபரங்களை வெளிப்படையாகக் குற்றம் சாட்டிய நிஷா பகத், பழங்குடியின மக்களுக்கான அரசாங்கமே தங்களை எப்படிக் கொடுங்கோன்மையுடன் நடத்தியது என்பதையும் உலகிற்குத் வெளிச்சம்போட்டுக் காட்டியுள்ளார். “விடைபெறுகிறோம், நிஷா பகத் ஜி” என்ற வாசகத்துடன் அவரது இந்த முகநூல் நேரலை வீடியோ தற்போது சமூக வலைத்தளங்களில் காட்டுத்தீயாய் பரவி, ஜார்க்கண்ட் மாநில அரசியல் மற்றும் சமூக வட்டாரங்களில் மாபெரும் கொந்தளிப்பை ஏற்படுத்தியுள்ளது. இச்சம்பவத்தைத் தொடர்ந்து, பாதிக்கப்பட்ட பெண்ணின் மரணத்திற்கு நீதி கேட்கும் போராட்டங்கள் வலுத்து வரும் நிலையில், குற்றச்சாட்டிற்குள்ளான நபர்கள் மீது உரிய நடவடிக்கை எடுக்கக் கோரி காவல்துறையினர் வழக்குப் பதிவு செய்து தீவிர விசாரணை மேற்கொண்டு வருகின்றனர்.