“என் மகள் எனக்கு இறந்துவிட்டாள்..!” உயிருடன் இருக்கும் மகளுக்கு தந்தை செய்த விசித்திரக் காரியம்.. நெட்டிசன்களை கொந்தளிக்க வைத்த சம்பவம்..!!

மகள் தனது சொந்த விருப்பத்தின் பேரில் மாற்றுச் சாதி இளைஞரைத் திருமணம் செய்துகொண்டதால், அவர் உயிருடன் இருக்கும்போதே இறந்துவிட்டதாகக் கருதி ஒரு தந்தை பாடை கட்டி இறுதி ஊர்வலம் நடத்திய அதிர்ச்சிச் சம்பவம் அரங்கேறியுள்ளது. தன் சாதி கௌரவமே முக்கியம் என நினைத்த அந்தத் தந்தை, மகளின் உருவ பொம்மை ஒன்றைச் செய்து, அதற்குப் பாடை கட்டி, ஒட்டுமொத்த கிராமத்தின் வீதிகளின் வழியாக இறுதி ஊர்வலமாக எடுத்துச் சென்றுள்ளார். அதோடு நில்லாமல், மயானத்திற்குச் சென்று அந்த உருவ பொம்மைக்குக் கொள்ளி வைத்து அனைத்து இறுதிச் சடங்குகளையும் செய்துள்ளார்.

சிந்தித்துப் பாருங்கள்… பெத்த மகள் நல்லபடியாக உயிருடன் தான் இருக்கிறார், ஆனால் சாதி வெறியும், போலி கௌரவமும் ஒரு தந்தையின் கண்ணை எந்தளவுக்கு மறைத்துள்ளது என்பதை இந்தச் சம்பவம் வெளிச்சம் போட்டுக் காட்டியுள்ளது. பெற்ற மகளை விடச் சாதிதான் முக்கியம் என நினைத்து நடத்தப்பட்ட இந்த விசித்திரமான மற்றும் கொடூரமான இறுதி ஊர்வலம் சமூக வலைத்தளங்களில் வெளியாகி, பொதுமக்கள் மற்றும் நெட்டிசன்கள் மத்தியில் கடுமையான அதிர்வலைகளையும் கண்டனங்களையும் ஏற்படுத்தி வருகிறது.