“என்னைத் தொட்டால் உங்க கட்சி அழியும்..” நாடாளுமன்றத்தைக் கைப்பற்றிய ஜனநாயகக் கட்சிக்கு டிரம்ப் விடுத்த மரண மாஸ் எச்சரிக்கை..!!

அமெரிக்க இடைக்காலத் தேர்தலில் எதிர்க்கட்சியான ஜனநாயகக் கட்சி அபார வெற்றி பெற்று, நாடாளுமன்றத்தின் முழு கட்டுப்பாட்டையும் அடுத்த ஆண்டு ஜனவரியில் கைப்பற்ற உள்ள நிலையில், அதிபர் டொனால்ட் டிரம்ப் அவர்களுக்குக் கடுமையான எச்சரிக்கை விடுத்துள்ளார். தன்னை பதவியிலிருந்து நீக்க ஜனநாயகக் கட்சியினர் முயற்சித்தால், அது அவர்களின் சொந்தக் கட்சியையே அரசியல் ரீதியாக அழித்துவிடும் என்று அவர் கூறியுள்ளார். தன்னை பதவி நீக்கம் செய்ய எந்தவொரு நியாயமான காரணமும் இல்லை என்றும், இந்த விவகாரம் குறித்துத் தான் சிறிதும் கவலைப்படவில்லை என்றும் டிரம்ப் திட்டவட்டமாகத் தெரிவித்துள்ளார்.

அதே நேரத்தில், நாடாளுமன்றத்தைக் கைப்பற்றியுள்ள ஜனநாயகக் கட்சியின் திட்டங்களைத் தடுக்க அதிபருக்குரிய ‘வீட்டோ’ எனப்படும் ரத்து அதிகாரத்தைப் பயன்படுத்தப் போவதாகவும் டிரம்ப் குறிப்பிட்டுள்ளார். எனினும், அடுத்த இரண்டு ஆண்டுகால ஆட்சியில் எதையும் செய்ய விடாமல், எல்லாவற்றிற்கும் வீட்டோ அதிகாரத்தை மட்டுமே பயன்படுத்திக் கொண்டு சும்மா அமர்ந்திருக்கத் தான் விரும்பவில்லை என்றும், நாட்டு நலனுக்காக இணைந்து செயல்படத் தயாராக இருப்பதாகவும் அவர் சுட்டிக்காட்டியுள்ளார். டிரம்ப்பின் இந்த அதிரடி வியூகம் மற்றும் எச்சரிக்கை அமெரிக்க அரசியல் வட்டாரத்தில் தற்பொழுது பெரும் பரபரப்பை ஏற்படுத்தியுள்ளது.