அடச்சீ.. மனுஷனுங்களா இவனுங்க..?! நாங்க போலீஸ்”னு சொல்லி 17 வயசு சிறுமியை சீரழிச்ச மிருகங்கள்… பூங்காவில் நடந்த கொடூரம்..!!

டெல்லியில் உள்ள கல்காஜி கோவில் அருகே உள்ள ஒரு பூங்காவில், தங்களைக் காவல் துறையினர் என்று கூறிக்கொண்ட மூன்று நபர்களால் 17 வயது சிறுமி ஒருவர் கூட்டுப் பாலியல் வன்கொடுமை செய்யப்பட்டதாகப் புகார் எழுந்துள்ளது. இந்தத் தகவலைத் திங்கள்கிழமை அன்று காவல்துறை வெளியிட்டுள்ளது. புகாரின்படி, டெல்லியைச் சேர்ந்த அந்தச் சிறுமி, தனது 17 வயது ஆண் நண்பருடன் திங்கள்கிழமை மாலை சுமார் 7 மணியளவில் கல்காஜி கோவிலுக்குச் சென்றுள்ளார். சாமி தரிசனம் முடிந்த பிறகு, இருவரும் இரவு 7.30 மணியளவில் கோவிலுக்கு அருகில் உள்ள பூங்காவிற்குச் சென்றுள்ளனர். அப்போது, சுமார் 25 முதல் 30 வயது மதிக்கத்தக்க மூன்று நபர்கள் அங்கு வந்து, தங்களைச் சீருடை அணியாத காவலர்கள் எனக் கூறிக்கொண்டு அவர்களிடம் விசாரணை நடத்துவது போல் பேசியுள்ளனர்.

அதன்பின்னர், அந்த மூன்று நபர்களும் சிறுமியையும் அவருடைய ஆண் நண்பரையும் மிரட்டி, அச்சிறுமி மீது பாலியல் அத்துமீறலில் ஈடுபட்டுள்ளனர். கல்காஜி கோவில் மற்றும் இஸ்கான் கோவிலை இணைக்கும் பூங்காவில் இச்சம்பவம் நடந்ததாக இரவு 8.45 மணியளவில் காவல் கட்டுப்பாட்டு அறைக்கு (PCR) அழைப்பு வந்தது. தகவலறிந்து உடனடியாகச் சம்பவ இடத்திற்கு விரைந்து வந்த காவல் துறையினர், சிறுமியை மீட்டு மருத்துவப் பரிசோதனைக்காக அனுப்பி வைத்தனர். மேலும், சிறுமி அளித்த வாக்குமூலத்தின் அடிப்படையில் வழக்குப்பதிவு செய்யப்பட்டு சட்டப்பூர்வ நடவடிக்கைகள் தீவிரப்படுத்தப்பட்டுள்ளன.

இச்சம்பவம் தொடர்பாகக் குழந்தைகள் பாலியல் வன்கொடுமை தடுப்புச் சட்டம் (போக்சோ – POCSO) உள்ளிட்ட உரிய சட்டப்பிரிவுகளின் கீழ் வழக்குப்பதிவு செய்யப்பட்டுள்ளது. குற்றவாளிகளைக் கண்டறியவும், சம்பவ இடத்தின் சூழலைத் தெரிந்துகொள்ளவும் பூங்கா மற்றும் அதைச் சுற்றியுள்ள பகுதிகளில் அமைக்கப்பட்ட சிசிடிவி (CCTV) காட்சிகளைப் போலீஸார் தீவிரமாக ஆய்வு செய்து வருகின்றனர். மேலும், சம்பவம் நடந்த நேரத்தில் பூங்காவிலும் அதைச் சுற்றிலும் இருந்த நபர்களிடமும் தகவல்களைத் திரட்டி, தப்பி ஓடிய மூன்று நபர்களையும் தேடும் பணியைக் காவல் துறையினர் தீவிரப்படுத்தியுள்ளனர்.