“Current-லாம் கட் ஆகல சார், யாரோ..” எதிர்க்கட்சிகளுக்கு எதிராகப் பாய்ந்த அமைச்சர்.. தமிழக அரசியலில் புது சர்ச்சை..!!

தமிழக மின்சாரத்துறை அமைச்சர் என். ஆனந்த், பொதுக்கூட்டம் ஒன்றில் அவர் பேசிக்கொண்டிருந்தபோது திடீரென மின்சாரம் துண்டிக்கப்பட்ட விவகாரம் தொடர்பாக எதிர்க்கட்சிகள் மீது கடுமையான குற்றச்சாட்டுகளை முன்வைத்துள்ளார். இந்த நிகழ்வு குறித்து செய்தியாளர்களிடம் விளக்கிய அவர், “அங்கே மின்சாரம் எதுவும் துண்டிக்கப்படவில்லை யாரோ திட்டமிட்டு வந்து மைக்கின் வயரை பிடுங்கிவிட்டுச் சென்றுவிட்டார்கள்” என்று கூறியுள்ளார். எனவே, இந்த ஒரு சிறிய அசம்பாவிதத்தை ஊடகங்கள் தேவையின்றி பெரிதாக்க வேண்டாம் என்றும் அவர் கேட்டுக்கொண்டுள்ளார்.

மேலும், எதிர்க்கட்சிகளின் இந்த செயல்பாட்டை மிகக் கடுமையாகச் சாடிய அமைச்சர் ஆனந்த், “சின்னப் பிள்ளைகளை வைத்துக்கூட இப்படி வயரை பிடுங்கிவிட்டுச் செல்ல வைக்கிறார்கள்; அந்த அளவுக்கு எதிர்க்கட்சிகள் மிகவும் கீழ்த்தரமான அரசியலில் ஈடுபடுகிறார்கள்” என்று தனது கண்டனத்தைப் பதிவு செய்துள்ளார். மேடையில் ஏற்பட்ட இந்த சிறிய இடையூறின் பின்னணியில் அரசியல் சதி இருப்பதாக அமைச்சர் கூறியுள்ள இந்த விளக்கம், தற்போது தமிழக அரசியல் வட்டாரத்திலும் சமூக வலைத்தளங்களிலும் பெரும் விவாதப் பொருளாக மாறியுள்ளது.