அய்யோ கடவுளே… வார்மர் மிஷினில் திடீரென வெடித்த தீ..! பிறந்த சில நிமிடங்களிலேயே குழந்தைக்கு நேர்ந்த கொடூரம்.. மருத்துவமனை அலட்சியத்தால் நடந்த பகீர் சம்பவம்..!! 

ராஜஸ்தான் மாநிலம் தௌசா மாவட்டம் பண்டிக்குய் நகரத்தில் உள்ள கட்டா மருத்துவமனையின் SNCU வார்டில் உள்ள வார்மர் எந்திரத்தில் ஏற்பட்ட மின் கசிவு காரணமாக பயங்கரத் தீ விபத்து ஏற்பட்டது. இதில் புதிதாகப் பிறந்த ஒரு குழந்தை தீக்காயமடைந்தது. இந்த சம்பவத்தால் மருத்துவமனையில் பெரும் பரபரப்பும் பதற்றமும் நிலவியது. ஆபத்தான நிலையில் தீக்காயமடைந்த அந்தக் குழந்தைக்கு முதலுதவி சிகிச்சை அளிக்கப்பட்ட பிறகு, மேல் சிகிச்சைக்காக ஜெய்ப்பூரில் உள்ள ஜே.கே.லோன் மருத்துவமனைக்கு கொண்டு செல்லப்பட்டு தீவிர சிகிச்சை அளிக்கப்பட்டு வருகிறது.

தகவலின்படி, குண்ட்லா பகுதியைச் சேர்ந்த பெண் ஒருவருக்கு வியாழக்கிழமை மதியம் சுமார் 12:45 மணியளவில் பிரசவம் நடந்து குழந்தை பிறந்தது. பிரசவத்திற்குப் பிறகு பிறந்த குழந்தையை மருத்துவமனை நிர்வாகம் SNCU வார்டில் உள்ள வார்மர் எந்திரத்தில் வைத்தது. அப்போது எதிர்பாராதவிதமாக வார்மர் எந்திரத்தில் மின் கசிவு ஏற்பட்டு தீப் பிடித்தது. இந்தத் தீயில் சிக்கி எந்திரத்தினுள் இருந்த குழந்தை பலத்த தீக்காயமடைந்தது. உடனடியாக ஊழியர்கள் குழந்தையை வெளியே எடுத்து முதலுதவி சிகிச்சை அளித்தனர். இச்சம்பவம் குறித்து தகவலறிந்த பண்டிக்குய் மற்றும் பஸ்வா காவல் நிலைய போலீசார் மருத்துவமனைக்கு வந்து விசாரணை நடத்தி வருகின்றனர்.

இந்த விபத்து குறித்து குழந்தையின் உறவினர்கள் மருத்துவமனை நிர்வாகத்தின் மீது கடுமையான அலட்சியக் குற்றச்சாட்டுகளை சுமத்தியுள்ளனர். பிறந்த குழந்தையை வைத்திருந்த வார்மர் எந்திரத்தில் திடீரென தீப் பிடித்தது மருத்துவமனையின் பாதுகாப்பு ஏற்பாடுகள் குறித்த பலத்த சந்தேகங்களை எழுப்புவதாக உறவினர்கள் தெரிவிக்கின்றனர். இச்சம்பவம் தொடர்பாக முழுமையான விசாரணை நடத்தப்பட வேண்டும் என்றும் அவர்கள் கோரிக்கை விடுத்துள்ளனர். வார்மர் எந்திரத்தில் மின் கசிவு ஏற்பட்டது எப்படி, யாரேனும் அலட்சியமாகச் செயல்பட்டார்களா என்பது குறித்து காவல்துறையினர் தொடர்ந்து விசாரணை நடத்தி வருகின்றனர்.