மதுராந்தகத்தில் எகிறிய பதற்றம்.. பூத்திற்குள் புகுந்து வேட்பாளரைத் தூக்கிய போலீஸ்.. இணையத்தில் தீயாய் பரவும் வீடியோ..!!

மதுராந்தகம் தொகுதி இடைத்தேர்தல் வாக்கு எண்ணிக்கையின் போது, ஒரு குறிப்பிட்ட மேசையில் வாக்குப்பதிவு இயந்திரத்தில் ஏற்பட்ட கோளாறு காரணமாகப் பூத்திற்குள் திடீர் சலசலப்பும் வாக்குவாதமும் ஏற்பட்டுள்ளது. வாக்கு எண்ணிக்கை விறுவிறுப்பாக நடைபெற்றுக் கொண்டிருந்த வேளையில், மேசை எண் 11-ல் இருந்த மின்னணு வாக்குப்பதிவு இயந்திரத்தில் திடீரென தொழில்நுட்பக் கோளாறு ஏற்பட்டுள்ளது. இதன் காரணமாக அந்த மேசையில் மட்டும் தற்காலிகமாக வாக்குகள் எண்ணும் பணி முற்றிலும் நிறுத்தி வைக்கப்பட்டது.

இந்தத் திடீர் நிறுத்தத்தால் அதிருப்தியடைந்த சுயேச்சை வேட்பாளரான ஜி.மூர்த்தி என்பவர், கோளாறான இயந்திரத்திற்குப் பதிலாக அதன் விவிபேட் கருவியில் உள்ள வாக்குச் சீட்டுகளை உடனடியாக எண்ண வேண்டும் என அங்கிருந்த அதிகாரிகளுடன் கடுமையான வாக்குவாதத்தில் ஈடுபட்டார். வாக்கு எண்ணும் மையத்திற்குள் அவர் தொடர்ந்து அதிகாரிகளிடம் முறையிட்டுச் சலசலப்பை ஏற்படுத்தியதால், அங்கு பாதுகாப்புப் பணியில் இருந்த போலீஸாரின் உதவியோடு அதிகாரிகள் அவரைப் பூத்தில் இருந்து வலுக்கட்டாயமாக வெளியேற்றினர். இந்தச் சம்பவத்தால் மதுராந்தகம் வாக்கு எண்ணும் மையத்தில் சிறிது நேரம் பெரும் பரபரப்பான சூழல் நிலவியது.