“அமைச்சர் பர்வேஸ் எனது மச்சான் தான்” பந்தா காட்டி போலீஸாரையே மிரட்டிய பெண்… அரசு பேருந்து ஓட்டுநர் புகாரால் அதிரடி ஆக்ஷன்.. பெரும் பரபரப்பு..!!

சென்னையில் பேருந்து ஓட்டுநர் மற்றும் நடத்துநரை மிரட்டியதுடன், தடுத்த போலீசாரையும் அமைச்சரின் பெயரைச் சொல்லி மிரட்டிய நபர்களின் வீடியோ சமூக வலைத்தளங்களில் வைரலாகி பெரும் பரபரப்பை ஏற்படுத்தியுள்ளது. கடந்த அக்டோபர் 15ஆம் தேதி சென்னை அம்பத்தூர் மங்களபுரம் பகுதியில் அரசுப் பேருந்து ஒன்று சென்று கொண்டிருந்தது. அப்போது சாலையில் தேங்கியிருந்த மழைநீர் தங்கள் மீது தெறித்ததாகக் கூறி, அங்கிருந்த தரணி (24) மற்றும் முகமது ஜவாஹீர் (30) ஆகிய இரு நபர்கள் பேருந்தை வழிமறித்துள்ளனர். அவர்கள் பேருந்தின் ஓட்டுநர் முருகதாஸ் மற்றும் நடத்துநர் ரகு ஆகியோரிடம் கடுமையான வாக்குவாதத்தில் ஈடுபட்டுள்ளனர்.

இந்த மோதல் குறித்துத் தகவலறிந்து சம்பவ இடத்திற்கு வந்த போலீசார் இருவரையும் சமாதானப்படுத்த முயன்றனர். ஆனால், ஆத்திரமடைந்த தரணி என்ற வாலிபர் போலீசாரைப் பார்த்து, ‘அமைச்சர் பர்வேஸ் எனது மச்சான்’ என்று கூறி அதிகாரத் தோரணையில் மிரட்டல் விடுத்துள்ளார். இந்த முழுச் சம்பவத்தையும் அங்கிருந்தவர்கள் தங்களது மொபைல் போனில் வீடியோவாகப் பதிவு செய்ய, அது சமூக வலைத்தளங்களில் வேகமாகப் பரவி பொதுமக்கள் மத்தியில் கடும் அதிர்ச்சியை ஏற்படுத்தியது.

இந்தச் சம்பவம் தொடர்பாகப் பேருந்தின் ஓட்டுநர் முருகதாஸ் உள்ளூர் காவல் நிலையத்தில் அதிகாரப்பூர்வமாகப் புகார் அளித்தார். அந்தப் புகாரின் அடிப்படையில் வழக்குப் பதிவு செய்த போலீசார் தீவிர விசாரணை மேற்கொண்டனர். தலைமறைவாக இருந்த குற்றவாளிகளைத் தேடும் பணியில் ஈடுபட்ட போலீசார், முதற்கட்டமாக முகமது ஜவாஹீரை அதிரடியாகக் கைது செய்தனர். மேலும், போலீசாரையே மிரட்டிவிட்டுத் தப்பியோடி தலைமறைவாக உள்ள முக்கியக் குற்றவாளியான தரணியைக் காவல் துறையினர் தனிப்படை அமைத்துத் தீவிரமாகத் தேடி வருகின்றனர்.