போலீசாருக்கே சவால் விட்ட குற்றவாளி.. முந்திரிக்காட்டில் ரத்தம் சொட்டச் சொட்ட நடந்த அதிரடி வேட்டை.. சினிமா பாணி சம்பவம்..!!

கடலூர் மாவட்டம் ரெட்டிச்சாவடி பகுதியில் மதுபோதையில் ஏற்பட்ட தகராறில், ரவுடி பிரித்திவிராஜ் என்பவர் வெட்டிக்கொலை செய்யப்பட்டார். இந்த கொலை வழக்கில் தேடப்பட்டு வந்த முக்கிய குற்றவாளியான அருளரசு, அப்பகுதியில் உள்ள ஒரு முந்திரிக்காட்டில் பதுங்கியிருப்பதாக போலீசாருக்கு ரகசிய தகவல் கிடைத்தது. இதையடுத்து, அவரைப் பிடிப்பதற்காக போலீசார் அந்தப் பகுதிக்குச் சென்று தீவிர தேடுதல் வேட்டையில் ஈடுபட்டனர்.
போலீஸ் மீது தாக்குதல் மற்றும் துப்பாக்கிச் சூடு

முந்திரிக்காட்டில் பதுங்கியிருந்த அருளரசுவை போலீசார் வளைத்துப் பிடிக்க முயன்றபோது, அவர் தப்பியோட முயன்றார். அப்போது, தன்னைத் தடுக்க வந்த சப்-இன்ஸ்பெக்டர் முகிலன் மீது அவர் கொடூரமாகத் தாக்குதல் நடத்தியதாகக் கூறப்படுகிறது. நிலைமை கட்டுக்கடங்காமல் சென்றதால், இன்ஸ்பெக்டர் இளவரசி தனது துப்பாக்கியால் அருளரசுவின் கணுக்காலில் சுட்டு அவரை அதிரடியாகப் பிடித்தார். இந்தத் துப்பாக்கிச் சூடு சம்பவமும், ரவுடி சுட்டுப்பிடிக்கப்பட்ட விவகாரமும் கடலூர் பகுதியில் பெரும் பரபரப்பை ஏற்படுத்தியுள்ளது.