பிக் பாஸ் 4 துவங்குகிறது !! வைரலாகும் ப்ரோமோ வீடியோ இதோ !! யார் யார் இருக்காங்கன்னு தெரியுமா ??

தமிழில் பிக் பாஸ் நான்காவது சீசன் கடந்த ஜூன் மாதமே துவங்கி இருக்க வேண்டும். ஆனால் கொரோனா பிரச்சனை வெடித்ததால் அது துவங்க முடியாமல் போனது. மேலும் ரசிகர்களும்

இந்த வருடம் பிக் பாஸ் 4 துவங்குமா துவங்காதா என கேட்கும் அளவுக்கு அது பற்றி எந்த அப்டேட்டையும் விஜய் டிவி வெளியிடாமல் இருந்தது. இந்நிலையில் அனைவருக்கும் சர்ப்ரைஸ் அளிக்கும் விதத்தில் திடீரெனெ பிக் பாஸ் 4 நிகழ்ச்சியின் ப்ரோமோ வெளியிடப்பட்டு இருக்கிறது.

அதில் கமல்ஹாசன் புதிய கெட்டப்பில் வந்து பேசுகிறார். இந்த புகைப்படங்கள் ஒரு வாரத்திற்கு முன்பே வெளிவந்து பெரிய அளவில் வைரல் ஆகி இருந்தது குறிப்பிடத்தக்கது. ஆனால் அப்போது பிக் பாஸ் ப்ரோமோ ஷூட்டிங்கில் எடுத்தது என கூறப்படவில்லை. தற்போது வெளியாகி இருக்கும் பிக் பாஸ் 4 ப்ரோமோவில் கமல் கொரோனா பற்றி தான் அதிகம் பேசி இருக்கிறார். அவர் கூறி இருப்பதாவது.. “நலமா.. நாம் எதார்த்தமாக ஒருவரை ஒருவர் கேட்டுக் கொள்ளும் கேள்வி இது. உலகெங்கிலும் பரவி இருக்கும், மருந்தே கண்டுபிடிக்கப்படாத, ஒரு நோய், இந்த உலகம் ஒரு சின்ன கிராமம் என்பதை நமக்கு உணர்த்தி இருக்கிறது.

எங்காவது அமேசானில் தீப்பிடித்தால் எங்கு நமக்கு ஆக்சிஜன் குறைகிறது. நீங்களும் நானும் வேலைக்கு போகலைனா.. நம்மை நம்பி இருக்குற ஆட்டோ ரிக்ஷா டிரைவர், பஸ் ஓட்டுநர், அடிக்கடி சாப்பிட போகும் ஹோட்டல், டீ கடை, மீன் கடைகார ஆயா, அவங்களுக்காக மீன் பிடிக்க போகிற மீனவர்கள்.. இப்படி சங்கிலி தொடராக.. நம்மை நம்பி இருப்பவர்கள் ஐந்து மாதமாக வேலை இல்லாமல் இருக்கிறார்கள். நோய் ஆபத்தானது தான். ஜாக்கிரதையாக இருக்கனும்.. ஆனால் அதுக்காக வீட்டிலேயே வேலை இல்லாமல் இருக்க முடியாது. WHO அதாவது உலக சுகாதார அமைப்பு நமக்கு அறிவுறுத்தி இருப்பது படிபாதுகாப்பாக இருப்போம்.

இதோ நான் வந்துட்டேன். அதே மாதிரி நீங்களும் உங்கள் வேலையை தொடங்குங்கள், நம்மை நம்பி இருப்பவர்களை வாழ வையுங்கள். நமே முன்னெடுப்போம் ஒரு புதிய தொடக்கத்தை, புதிய எதார்த்தத்தை, புதிய வாழ்க்கையை.. நாமே தீர்வு! சரி இப்போ வேலையை ஆரம்பிக்கலாமா” என கமல் பேசி உள்ளார்.

தற்போது கொரோனா காரணமாக தியேட்டர்கள் கூட மூடப்பட்டு இருப்பதால் பொழுதுபோக்கிற்கு எதுவும் இல்லாமல் இருக்கும் ரசிகர்களுக்கு இனி பிக்பாஸ் தான் என்டர்டெயின்மென்ட் ஆக இருக்க போகிறது.

நாமே தீர்வு pic.twitter.com/sUQDiEOpmo

— Kamal Haasan (@ikamalhaasan) August 27, 2020