LATEST NEWS
உங்க ரீல்ஸ் போதைக்கு அளவே இல்லையா..? தொப்புளில் பட்டாசு வைத்து விபரீத சாகசம்… தீப்பொறி பட்டு வயிற்றில் பலத்த தீக்காயம் அடைந்த பெண்.!!
தீபாவளிப் பண்டிகைக் கொண்டாட்டத்தின் போது, பெண் ஒருவர் ஆபத்தான முறையில் பட்டாசு வெடிக்க முயன்று வயிற்றில் பலத்த தீக்காயம் அடைந்துள்ள சம்பவம் அதிர்ச்சியை ஏற்படுத்தியுள்ளது. சமூக வலைதளங்களில் கவனத்தை ஈர்ப்பதற்காகவோ அல்லது விபரீத விளையாட்டாகவோ, அவர் தீப்பற்ற வைத்த பட்டாசைத் தனது தொப்புளில் வைத்துக்கொண்டு சாகசத்தில் ஈடுபட்டுள்ளார்.
பட்டாசு வெடிக்கத் தொடங்கியதும் அதிலிருந்து சீறிப் பாய்ந்த தீப்பொறிகள் நேராக அவரது வயிற்றுப் பகுதியில் பட்டுப் பலத்த தீக்காயங்களை ஏற்படுத்தின. வலியால் அலறித் துடித்த அந்தப் பெண் உடனடியாக மீட்கப்பட்டு மருத்துவமனையில் அனுமதிக்கப்பட்ட நிலையில், அவருக்குத் தீவிர சிகிச்சை அளிக்கப்பட்டு வருகிறது.
பண்டிகைக் காலங்களில் பாதுகாப்பற்ற முறையில் பட்டாசுகளைக் கையாள்வதும், இதுபோன்ற அஜாக்கிரதையான விபரீதச் செயல்களில் ஈடுபடுவதும் உயிருக்கே உலைவைக்கும் எனத் தீயணைப்புத் துறையினரும் மருத்துவர்களும் எச்சரித்துள்ளனர். குறிப்பாக, இளைஞர்கள் மற்றும் பொதுமக்கள் பட்டாசு வெடிக்கும்போது போதிய இடைவெளியைப் பின்பற்றி பாதுகாப்பாகப் பண்டிகையைக் கொண்டாட வேண்டும் என அறிவுறுத்தப்பட்டுள்ளது.
