அய்யய்யோ.. குடியிருப்புப் பகுதி அருகே மளமளவெனப் பரவிய தீ.. அலறியடித்து வீடுகளை விட்டு வெளியேறிய மக்கள்.. வைரலாகும் அதிர்ச்சி வீடியோ..!!

ஹைதராபாத் மைலார்தேவ்பள்ளி காவல் நிலைய எல்லைக்குட்பட்ட டாடா நகர் பகுதியில் உள்ள பிளாஸ்டிக் கழிவுகள் சேமித்து வைக்கும் கிடங்கில் திடீரென பயங்கரத் தீ விபத்து ஏற்பட்டுள்ளது. கிடங்கில் பெருமளவில் குவித்து வைக்கப்பட்டிருந்த பிளாஸ்டிக் பொருட்களில் தீ மளமளவெனப் பரவியதால் அப்பகுதி முழுவதும் கரும்புகை சூழ்ந்து, அருகிலுள்ள குடியிருப்புவாசிகளிடையே பெரும் பீதியையும் பரபரப்பையும் ஏற்படுத்தியது.

தீ விபத்து குறித்துத் தகவல் அறிந்து சம்பவ இடத்திற்கு விரைந்து வந்த தீயணைப்புத் துறையினர், தீயை அணைக்கும் பணியில் தீவிரமாக ஈடுபட்டனர். பல மணி நேரக் கடுமையான போராட்டத்திற்குப் பிறகு தீயணைப்பு வீரர்கள் தீயை முழுமையாகக் கட்டுக்குள் கொண்டு வந்தனர். இந்த விபத்திற்கான சரியான காரணம் மற்றும் ஏற்பட்டுள்ள பொருட்சேதத்தின் மதிப்பு குறித்து இதுவரை அதிகாரப்பூர்வமாகக் கண்டறியப்படாத நிலையில், காவல்துறையினர் மற்றும் தீயணைப்புத் துறையினர் இது தொடர்பாகத் தீவிர விசாரணை நடத்தி வருகின்றனர்.