LATEST NEWS
“மனுஷனாடா நீ..? இங்கே பைக் நிறுத்தக் கூடாது..” பார்க்கிங்குக்காக பெண்ணை சரமாரியாக அறைந்த கொடூர வாலிபர்..! வைரலாகும் பகீர் வீடியோ..!!
உத்தரப் பிரதேச மாநிலம் கிரேட்டர் நொய்டாவில் உள்ள பிசராக் கிராமத்தில் மோட்டார் சைக்கிள் நிறுத்துவது தொடர்பாக ஏற்பட்ட தகராறு மோதலாக மாறியது. ஒரு நபர் பெண்ணை பலமுறை அறைந்ததுடன், சண்டையை விலக்க வந்த வாடகைதாரர்களையும் தாக்கியுள்ளார்.
கிரேட்டர் நொய்டா காவல் நிலைய எல்லைக்குட்பட்ட பகுதியில் மோட்டார் சைக்கிள் பார்க்கிங் தொடர்பான வாக்குவாதம் முற்றியதால் இந்த வன்முறை வெடித்தது. அந்த நபர் பெண்ணைத் தாக்கியது மட்டுமின்றி, வாடகைதாரர்களின் மோட்டார் சைக்கிளையும் அடித்து நொறுக்கினார். இந்தச் சம்பவத்தின் வீடியோ சமூக வலைதளங்களில் வைரலானதைத் தொடர்ந்து, காவல்துறை உடனடியாக நடவடிக்கை எடுக்கத் தொடங்கியது.
https://www.instagram.com/reel/DfyppmOyf-o/?utm_source=ig_web_button_share_sheet
பிசராக் காவல் நிலையப் பொறுப்பாளர் ரஞ்சித் சிங் அளித்த தகவலின்படி, நேற்று மாலை நடந்த இச்சம்பவம் தொடர்பாகப் பாதிக்கப்பட்ட பெண்ணின் புகாரின் பேரில் வழக்குப்பதிவு செய்யப்பட்டு, சம்பந்தப்பட்ட நபர் கைது செய்யப்பட்டுள்ளார். அவரிடம் தீவிர விசாரணை நடத்தப்பட்டு வருவதோடு, காவல்துறையினர் இந்த விவகாரம் குறித்து முழுமையான விசாரணையை மேற்கொண்டு வருகின்றனர்.
