LATEST NEWS
“முதல்வர் விஜயை முருகப்பெருமானுடன் ஒப்பிட்டுப் பாடவில்லை” – திருச்செந்தூர் பாடல் சர்ச்சைக்கு புஷ்பவனம் குப்புசாமி வீடியோ மூலம் முற்றுப்புள்ளி..!!
திருச்செந்தூர் சூரசம்ஹார விழாவில் தான் பாடிய பாடல் வரிகள் சர்ச்சையான நிலையில், நாட்டுப்புறப் பாடகர் புஷ்பவனம் குப்புசாமி வீடியோ ஒன்றை வெளியிட்டு விளக்கமளித்துள்ளார். அந்தப் பாடலில் தமிழக முதல்வர் விஜயை முருகப்பெருமானுடன் ஒப்பிட்டுத் தான் பாடவில்லை என்று அவர் திட்டவட்டமாகத் தெரிவித்துள்ளார்.
மாறாக, தமிழக முதல்வர் விஜயை ஒரு சாட்சியாக மட்டுமே வைத்து அந்தப் பாடலைப் பாடியதாகப் புஷ்பவனம் குப்புசாமி குறிப்பிட்டுள்ளார். பாடல் வரிகளில் இடம்பெற்றுள்ள நிறுத்தற்குறியான ‘கமா’ வைச் சரியாகப் புரிந்துகொள்ளாமல், தவறான அர்த்தத்தில் பலரும் விமர்சித்து வருவதாக அவர் தனது வீடியோவில் சுட்டிக்காட்டியுள்ளார்.
மேலும், கடவுள் முருகப்பெருமானுக்கு நிகர் இந்த உலகில் யாரும் இல்லை என்பதில் தான் உறுதியாக இருப்பதாகவும் அவர் விளக்கமளித்துள்ளார். இதன் மூலம், தனது பாடல் வரிகள் குறித்துச் சமூக வலைதளங்களில் எழுந்த சர்ச்சைகளுக்குப் புஷ்பவனம் குப்புசாமி முற்றுப்புள்ளி வைத்துள்ளார்.
