“திடீரென கொழுந்துவிட்டு எரிந்த வெற்றிப்பயண பேருந்து” ஜஸ்ட் மிஸ்ஸில் உயிர் தப்பிய 30 பெண் பயணிகள்.. திருச்செந்தூர் அருகே பரபரப்பு விபத்து..!!

திருச்செந்தூரில் இருந்து ஸ்ரீவைகுண்டம் நோக்கிச் சென்ற அரசுப் பேருந்து நேற்று மாலை திடீரென தீப்பற்றி எரிந்து நாசமான சம்பவம் தூத்துக்குடி மாவட்டத்தில் பெரும் பரபரப்பை ஏற்படுத்தியுள்ளது. இந்த விபத்தின் போது பேருந்தில் பயணித்த 30 பயணிகள் நல்வாய்ப்பாக எந்தவித காயமுமின்றி மிக அதிர்ஷ்டவசமாக உயிர் தப்பினர்.

இந்த அரசுப் பேருந்து குரும்பூர் அருகே வந்துகொண்டிருந்த போது, அதன் முன்பகுதியில் இருந்து திடீரென கரும்புகை கிளம்பியுள்ளது. இதனை உடனடியாகக் கவனித்த பேருந்தின் ஓட்டுநர், சற்றும் பதற்றமடையாமல் சாதுர்யமாகச் செயல்பட்டு பேருந்தைச் சாலையோரமாக நிறுத்தினார். மேலும், பேருந்தில் இருந்த பயணிகள் அனைவரையும் உடனடியாகக் கீழே இறங்குமாறு எச்சரித்து, அவர்கள் பாதுகாப்பாக வெளியேற வழிவகை செய்தார்.

பயணிகள் அனைவரும் கீழே இறங்கிய அடுத்த சில நொடிகளிலேயே, பேருந்து முழுவதும் தீப்பற்றி எரியத் தொடங்கி, ஒட்டுமொத்தப் பேருந்தும் தீக்கிரையாகி முழுவதுமாகக் கருகியது. விபத்துக்குள்ளான இந்த வாகனம், பெண்கள் கட்டணமில்லாமல் பயணிக்கும் ‘மகளிர் விடியல் பயண’ (வெற்றிப் பயணம்) பேருந்து என்பது குறிப்பிடத்தக்கது. இந்த விபத்துக்கான காரணம் குறித்து குரும்பூர் காவல்துறையினர் மற்றும் போக்குவரத்துத் துறை அதிகாரிகள் தீவிர விசாரணை நடத்தி வருகின்றனர்.