LATEST NEWS
“கொளத்தூரில் ஸ்டாலின் தான் வேணும்” இன்னொரு முறை தோற்கடிச்சா அவங்க கதை முடிஞ்சிரும்… விஜய் விரிக்கும் வியூக வலையில் சிக்குவாரா ஸ்டாலின்..? பெரும் எதிர்பார்ப்பு..!!
கொளத்தூர் இடைத்தேர்தலில் திமுக தலைவர் மு.க. ஸ்டாலின் போட்டியிட வேண்டும் என ஆளும் தவெக தரப்பு விரும்புவதாகவும், ஆனால் திமுக தலைமை அந்த அரசியல் வியூகத்திற்குள் சிக்காமல் எச்சரிக்கையுடன் செயல்படுவதாகவும் கூறப்படுகிறதது.
தமிழக இடைத்தேர்தல் களம் சூடுபிடித்துள்ள நிலையில், கொளத்தூர் தொகுதியில் மு.க. ஸ்டாலின் நேரடியாகக் களமிறங்க வேண்டும் என்று முதலமைச்சர் விஜய் தலைமையிலான தவெக ஆதரவாளர்கள் எதிர்பார்ப்பதாகக் கூறப்படுகிறது. ஒருவேளை ஸ்டாலினை மீண்டும் ஒருமுறை தோற்கடித்துவிட்டால், தமிழக அரசியலில் இனி ‘திமுக – தவெக இடையேதான் போட்டி’ என்ற நிலை மாறி, தவெகவுக்கு நிகரான எதிர்க்கட்சியே இல்லை என்ற புதிய பிம்பத்தை உருவாக்கிவிடலாம் என்பது ஆளும் கட்சித் தரப்பின் கணக்காகப் பார்க்கப்படுகிறது.
ஆளும் தவெக அரசின் நலத்திட்டங்களும், மக்களிடையே உருவாகியுள்ள செல்வாக்கும் தங்களுக்குச் சாதகமாக இருப்பதால், எதிர்க்கட்சித் தலைவரை நேரடியாக எதிர்கொண்டு தங்களது பலத்தை நிரூபிக்க தவெக தொண்டர்கள் விரும்புகின்றனர். இதன் மூலம் எதிர்க்கட்சிகளின் வியூகங்களை முழுமையாக முறியடிக்க முடியும் என ஆளும் கட்சி வட்டாரங்களில் பேசப்படுகிறது.
மறுபுறம், ஆளும் கட்சியின் அதிகார பலம் நிறைந்த இடைத்தேர்தலில் தேவையற்ற அரசியல் ரிஸ்க் எடுக்கத் திமுக தலைமை விரும்பவில்லை என அக்கட்சி நிர்வாகிகள் கருதுகின்றனர். ஸ்டாலின் போட்டியிட்டு வெற்றி பெற்றால் அது கட்சிக்குப் பெரிய பெருமையைத் தரும் என்றாலும், எதிர்த்தரப்பின் வியூகத்திற்குள் சிக்காமல், புதிய வேட்பாளரை நிறுத்தி அனைத்துத் தொகுதிகளிலும் தேர்தல் பணிகளை ஒருங்கிணைப்பதே புத்திசாலித்தனமான நகர்வாக இருக்கும் என்பது திமுகவினரின் நிலைப்பாடாக உள்ளது.
மொத்தத்தில், எதிர்க்கட்சித் தலைவரை நேருக்கு நேர் எதிர்கொள்ள ஆளும் தவெக முனைப்பு காட்டும் நிலையில், பாதுகாப்பான மற்றும் திட்டமிட்ட அணுகுமுறையைக் கையாள திமுக தயாராகி வருகிறது. இரு கட்சிகளின் இந்த உளவியல் ரீதியான காய்நகர்த்தல்களுக்கு மத்தியில், கொளத்தூர் வாக்காளர்களின் தீர்ப்பே அடுத்தகட்ட அரசியல் போக்கைத் தீர்மானிக்கும் என அரசியல் ஆய்வாளர்கள் தெரிவிக்கின்றனர்.
