டைரக்டராக அவதாரம் எடுத்த தளபதி மகன்…” இப்பவே காப்பி அடிச்சிட்டாங்களே…திடீரென வைரலாகும் குட்டி ‘முதலமைச்சர்’..! ஜேசன் சஞ்சய் வெளியிட்ட ரகசிய வீடியோவின் பின்னணி என்ன…?

தமிழக திரையுலகின் உச்ச நட்சத்திரமாகவும், தற்போதைய தமிழக முதல்வராகவும் மக்கள் மனதில் நீங்கா இடம்பிடித்துள்ள விஜய் அவர்களின் மகன் ஜேசன் சஞ்சய், தற்போது இயக்குனராகத் தனது திரையுலகப் பயணத்தைத் தொடங்கியுள்ளார். லண்டனில் திரைப்பட இயக்கம் குறித்த படிப்பை முறைப்படி முடித்த சஞ்சய், அனைவரின் எதிர்பார்ப்பையும் மீறி நடிகராகாமல், கேமராவுக்குப் பின்னால் நின்று கதை சொல்லும் இயக்குனராக அவதாரமெடுத்துள்ளார். லைகா புரோடக்ஷன்ஸ் தயாரிப்பில் இவர் இயக்கியுள்ள முதல் படத்திற்கு ‘சிக்மா’ (Sigma) எனப் பெயரிடப்பட்டுள்ளது. விறுவிறுப்பான ஆக்ஷன் த்ரில்லர் பாணியில் உருவாகியுள்ள இத்திரைப்படத்தின் ஒட்டுமொத்தப் படப்பிடிப்பும் வெற்றிகரமாக நிறைவடைந்து, தற்போது அடுத்தகட்டப் பணிகள் தீவிரமாக நடந்து வருகின்றன.

‘சிக்மா’ படத்தின் ரிலீஸுக்காக ஒட்டுமொத்தத் திரையுலகமும் ரசிகர்களும் ஆவலோடு காத்துக்கொண்டிருக்கும் வேளையில், ஜேசன் சஞ்சய்யின் கியூட் வீடியோ ஒன்று சமூக வலைத்தளங்களில் வெளியாகி வைரலாகி வருகிறது. அந்த வீடியோவில், சஞ்சய் ஒரு பச்சிளம் குழந்தையுடன் சோஃபாவில் அமர்ந்து மிகவும் அன்போடு கொஞ்சிப் பேசிக் கொண்டிருக்கிறார். பார்ப்போரின் நெஞ்சைக் கவரும் வகையில் அமைந்துள்ள இந்த வீடியோ, தந்தை விஜய்யின் ரசிகர்களைப் பெருமளவில் கவர்ந்து இணையத்தில் பயங்கரமாக டிரெண்டாகி வருகிறது.

இந்த வீடியோவில் ரசிகர்களின் கவனத்தை ஈர்த்த கூடுதல் சுவாரசியம் என்னவென்றால், அந்த குட்டிப் பையன் அணிந்திருந்த உடைதான். தமிழக முதல்வர் விஜய் தனது பொதுமேடைகளிலும், அரசியல் மாநாடுகளிலும் வழக்கமாக அணியும் பிரத்யேக அடையாளமான சந்தன நிறப் பேண்ட் மற்றும் வெள்ளை நிறச் சட்டையை அந்த குழந்தையும் அணிந்திருந்தது. இதைப் பார்த்த ரசிகர்கள், “இப்பவே விஜய்யின் அரசியல் கெட்டப்பை குட்டிப் பையன் அப்படியே காப்பி அடித்துவிட்டானே!” என நெகிழ்ச்சியுடன் கமெண்ட் செய்து வருகின்றனர். ஒருபுறம் தந்தை தமிழக முதல்வராகத் தன் அரசியல் களத்தில் மாஸ் காட்ட, மறுபுறம் மகன் சஞ்சய் இயக்குனராகத் தன் திறமையைக் காட்டி வருவது ஒட்டுமொத்தத் தமிழக மக்களின் கவனத்தையும் ஈர்த்துள்ளது.