“அடேய் திருட்டுப்பயலே” ஓடும் ரயிலில் செல்போனைத் திருடப் போய் நடுவழியில் தொங்கிய திருடன்.. தப்பிக்க முயன்று நடைமேடையில் தலைதெறிக்க விழுந்த ஷாக் வீடியோ..!!

பீகார் மாநிலம் பகல்பூர் ரயில் நிலையத்தில், செல்போன் திருட முயன்றதாகக் கூறப்படும் நபர் ஒருவரை ஆத்திரமடைந்த பயணிகள் பிடித்து இழுத்துள்ளனர். அப்போது அந்த நபர் தப்பிக்க முயன்றபோது, நகர்ந்து கொண்டிருந்த ரயிலின் வெளிப்பகுதியில் ஆபத்தான முறையில் தொங்கியபடியே சென்ற திடுக்கிடும் வீடியோ சமூக வலைதளங்களில் வைரலாக பரவி வருகிறது.

பயணிகளிடமிருந்து தப்பிக்க முயன்ற அந்த நபர் ரயிலின் படியில் அல்லது வெளிப்பகுதியில் தொங்கிய நிலையில், ரயில் வேகமாக நகர்ந்ததால் அவரது கால்கள் தண்டவாளத்தில் உரசியபடி இழுத்துச் செல்லப்பட்டன. இந்த விபரீதமான சூழ்நிலையிலும் அவர் தப்பிக்கப் போராடிய காட்சிகள் அங்கிருந்தவர்களைப் பதற்றமடையச் செய்தது.

இறுதியில் அந்த நபர் பிடியை இழந்து நடைமேடையில் தலைகுப்புற விழுந்தார். இந்தச் சம்பவம் குறித்த காட்சிகள் இணையத்தில் வேகமாகப் பரவி பெரும் அதிர்ச்சியை ஏற்படுத்தியுள்ள நிலையில், இதுதொடர்பான பாதுகாப்புச் சூழல் குறித்து ரயில்வே அதிகாரிகள் தீவிரமாக விசாரித்து வருகின்றனர்.