“இது நம் அரசியலுக்கு ஆரோக்கியம் இல்லை..!” திமுக நிர்வாகிகளுக்கு திருமாவளவன் கொடுத்த மறைமுக சாட்டையடி.. பரபரக்கும் அரசியல் களம்..!!

தமிழக அரசியலில் கட்சித் தலைவர்கள் மற்றும் நிர்வாகிகள் தங்களின் நாகரிக வரம்பை மீறிப் பேசும் போக்கு நாளுக்கு நாள் அதிகரித்து வருவதாக விடுதலைச் சிறுத்தைகள் கட்சியின் தலைவர் தொல். திருமாவளவன் கவலை தெரிவித்துள்ளார். திமுக பொதுமேடை ஒன்றில் அக்கட்சியின் கவுன்சிலர் ஒருவர், தமிழக வெற்றிக் கழகத்தின் தலைவரும் முதலமைச்சருமான விஜய் குறித்துப் பேசியது பெரும் விவாதத்தையும் சர்ச்சையையும் ஏற்படுத்தியது. இதுதொடர்பான செய்தியாளர்களின் கேள்விக்குப் பதிலளித்த திருமாவளவன், அரசியல் களத்தில் விமர்சனங்களை வைப்பதற்கு அனைவருக்கும் உரிமை உண்டு என்றாலும், அவை நாகரிக வரம்பிற்கு உட்பட்டதாக மட்டுமே இருக்க வேண்டும் என்று சுட்டிக்காட்டியுள்ளார்.

இத்தகைய தரம் தாழ்ந்த மற்றும் அவதூறான பேச்சுகள் நம்முடைய ஜனநாயக அரசியலுக்கு ஆரோக்கியமானது இல்லை என்று அவர் திட்டவட்டமாகக் கூறியுள்ளார். பொதுவெளியிலும் அரசியல் மேடைகளிலும் தலைவர்களைப் பற்றி விமர்சிக்கும்போது கண்ணியத்தைக் கடைப்பிடிக்க வேண்டியது அவசியம் என்றும் அவர் வலியுறுத்தியுள்ளார். விஜய் குறித்தான திமுக கவுன்சிலரின் சர்ச்சை பேச்சு தமிழக அரசியல் வட்டாரத்தில் சலசலப்பை ஏற்படுத்தியுள்ள நிலையில், திருமாவளவனின் இந்த நடுநிலையான கருத்து அரசியல் நாகரிகத்தை வலியுறுத்தும் வகையில் அமைந்துள்ளது.