“தம்பி இந்த ஷூ வாங்கிக்கிறியா..?” செருப்பு போட்டு வந்த டெலிவரி பாய்.. மேலிருந்து பார்த்த இளைஞர் செய்த நெகிழ்ச்சியான காரியம்.. வைரல் வீடியோ..!!

வறுமை மற்றும் சிரமங்கள் காரணமாகப் பலர் டெலிவரி பாய் வேலையைச் செய்கிறார்கள்; சிலர் சைக்கிளிலேயே சென்று டெலிவரி செய்கின்றனர். உத்தராகண்ட் மாநிலத்தைச் சேர்ந்த அமன் என்ற இளைஞர், தன் வீட்டுக்குச் சைக்கிளில் செருப்பு அணிந்து டெலிவரி செய்ய வந்த பையனின் நிலையையும் சிரமத்தையும் உணர்ந்து, தன்னிடம் இருந்த புதிய அடிடாஸ் ஷூவை அவருக்குக் கொடுத்து உதவினார். இந்த வீடியோ இணையத்தில் வைராலாகி மனிதநேயத்திற்குச் சிறந்த சான்றாக மாறியுள்ளது.

வீடியோவில் அமன் தனது பால்கனியில் இருந்து, “தம்பி, ஷூ வாங்கிக்கிறியா? புதிய அடிடாஸ் ஷூ” என்று கேட்பது போல் கேட்கிறார். ஆரம்பத்தில் அந்த டெலிவரி பாய் மறுத்தாலும், அமன் ஷூவை எடுத்துக்கொண்டு கீழே சென்று அவரிடம் கொடுக்கிறார். ஷூவைப் பெற்றுக்கொண்ட அந்தப் பையன் சைக்கிளில் புறப்பட்டுச் சென்று, சற்று தூரத்தில் நின்று அந்த ஷூவை வியப்புடனும் மகிழ்ச்சியுடனும் பார்க்கிறார். “எனக்கு இந்த ஷூவை விட, அவருக்குத்தான் இதன் தேவை அதிகமாக இருந்தது” என்று அந்த வீடியோவின் உரையில் எழுதப்பட்டுள்ளது.

https://www.instagram.com/reel/DdOYkADg4Ml/?utm_source=ig_web_button_share_sheet

ஷூவை மேலிருந்து வீசி எறியாமல், அவரே நேரில் கீழே சென்று கொடுத்த விதம் மற்றும் அந்தப் பையனை “ப்ரோ” என்று அன்போடு அழைத்தது பலரின் மனதைத் தொட்டுள்ளது. ஷூக் கொடுப்பது பெரிய விஷயமில்லை என்றாலும், அடுத்தவரின் தேவையைப் புரிந்து கொண்டு உதவுவது மிகப்பெரிய விஷயம் என்று இந்த வீடியோவைப் பார்த்த இணையவாசிகள் அமனைப் பாராட்டி வருகின்றனர்.