“ஆண்களை எப்படிக் கொலை செய்வது?'” மெட்ரோவில்புத்தகத்தைத் தீவிரமாகப் படித்த பெண்.. “இன்னொரு உயிர் ஆபத்தில் இருக்கிறது” நெட்டிசன்களை அதிரவைத்த வைரல் வீடியோ..!!

மெட்ரோ இரயில் ஒன்றில் பயணித்த பெண் பயணி ஒருவர், “ஆண்களை எப்படிக் கொலை செய்வது” (How to Kill Men) என்ற தலைப்பிலான புத்தகத்தை மிகவும் தீவிரமாகப் படித்துக் கொண்டிருக்கும் வீடியோ ஒன்று சமூக வலைத்தளங்களில் வெளியாகி வைரலாகி வருகிறது. இரயிலில் சக பயணியாகப் பயணித்த ஒருவரால் எடுக்கப்பட்ட இந்த வீடியோ, நெட்டிசன்களிடையே பெரும் விவாதத்தையும் வேடிக்கையான கருத்துக்களையும் கிளப்பியுள்ளது.

சமூக வலைத்தளங்களில் பகிரப்பட்ட இந்த வீடியோவிற்கு, “இன்னொரு உயிர் ஆபத்தில் இருக்கிறது” (Ek Aur Jaan Khatre Me) என்ற நகைச்சுவையான தலைப்புடன் நெட்டிசன்கள் பலரும் பகிர்ந்து வருகின்றனர். இரயில் பயணத்தின் போது சுற்றியுள்ள எதைப் பற்றியும் கவலைப்படாமல், அந்தப் பெண் புத்தகத்தை ஆழமாகப் படித்துக் கொண்டிருப்பது பலரையும் ஆச்சரியப்பட வைத்துள்ளது.

https://www.instagram.com/reel/DaPbuSXySyn/?utm_source=ig_web_button_share_sheet

இருப்பினும், அந்தப் பெண் படித்துக் கொண்டிருப்பது உண்மையில் ஒரு நாவல் அல்லது த்ரில்லர் வகை புத்தகமாக இருக்கலாம் என்று கூறப்படுகிறது. இந்த வீடியோவை பார்த்த நெட்டிசன்கள் பலர், “அந்தப் பெண்ணின் கணவர் அல்லது காதலரின் நிலைமை இனி என்ன ஆகுமோ?” என்றும், “மெட்ரோவில் இப்படி ஒரு புத்தகத்தையா படிப்பது?” என்றும் வேடிக்கையாகவும், வியப்பாகவும் கமெண்ட் செய்து வருகின்றனர்.