அந்த விஷயத்தில் ஷாருக்கானையே டென்ஷன் பண்ண நடிகை நயன்தாரா.. கோபத்தில் ரசிகர்கள்… நடந்தது என்ன..??

பாலிவுட்டில் அதிகம் எதிர்பார்க்கப்பட்ட திரைப்படமான ஜவான் திரைப்படம் சமீபத்தில் வெளியானது. இயக்குனர் அட்லி இயக்கத்தில் ஷாருக்கான் நடிப்பில் உருவான இந்த திரைப்படம் இந்தி, தமிழ் மற்றும் தெலுங்கு ஆகிய மொழிகளில் வெளியானது.  ஜவான் திரைப்படத்தின் மீது ரசிகர்கள் மத்தியில் அதிக எதிர்பார்ப்பு இருந்த நிலையில் செப்டம்பர் 7ஆம் தேதி வெளியான ஜவான் திரைப்படம் முதல் நாளில் மிகப்பெரிய வசூல் சாதனை படைத்தது. இந்த படம் தற்போது உலக அளவில் மாபெரும் வசூல் செய்து வெற்றி அடைந்துள்ளது.

நடிகை நயன்தாரா கடந்த சில வருடங்களாக எந்த ஒரு படத்தின் பிரமோஷன் விழாவிலும் கலந்து கொள்ளாமல் இருந்து வருகிறார். ஆனால் கண்டிப்பாக சென்னையில் பிரமாண்டமாக நடந்த ஜவான் படத்தின் ப்ரோமோஷன் நிகழ்ச்சியில் நயன்தாரா கலந்து கொள்வார் என எதிர்பார்க்கப்பட்ட நிலையில் அதற்கும் அவர் வரவில்லை. இதனால் ஷாருக்கான் ரசிகர்கள் வேதனை அடைந்தனர்.

இதனைத் தொடர்ந்து தற்போது படம் வெற்றி அடைந்து வெற்றி விழா நேற்று நடைபெற்ற நிலையில் இதில் நயன்தாராவை தவிர்த்து மற்ற அனைவரும் கலந்து கொண்டுள்ளனர். இந்த நிகழ்ச்சியிலும் நயன்தாரா கலந்து கொள்ளாததால் ரசிகர்கள் அனைவரும் கடும் கோபத்தில் உள்ளனர்.

தனது கணவர் தயாரிப்பில் உருவாகும் படத்தின் ப்ரோமோஷன் நிகழ்ச்சிகளில் மட்டுமே நயன்தாரா கலந்து கொள்ளும் நிலையில் மற்ற தயாரிப்பாளர்களின் பணத்தில் உருவாகும் படங்களின் பிரமோஷன் நிகழ்ச்சியில் கலந்து கொள்ளாமல் இருப்பது ஏன் என்று ரசிகர்கள் கேட்டு வருகிறார்கள். அதேசமயம் நயன்தாராவின் அம்மாவிற்கு பிறந்தநாள் என்பதால் அவர் கலந்து கொள்ளவில்லை என்று ஷாருக்கான் மேடையில் கூறி அந்த விஷயத்திற்கு முற்றுப்புள்ளி வைத்தது குறிப்பிடத்தக்கது.