“இளம் ஹீரோயின்களுக்கு டஃப் கொடுக்கும் 42 வயது அழகி…திரிஷாதான் எப்போதும் என்னுடைய..!ஏன் திரிஷாவை எல்லாருக்கும் பிடிக்குது? அர்ச்சனா கல்பாத்தி கேங்கில் நடந்த சுவாரசியமான மொராக்கோ ட்ரிப்…!

திரையுலகில் பல இளம் கதாநாயகிகளின் வரவு இருந்தாலும், 42 வயதிலும் தற்போதைய முன்னணி நடிகைகளுக்குக் கடுமையான சவாலாக விளங்கி வருகிறார் நடிகை திரிஷா. கடந்த ஆண்டு இவர் நடிப்பில் வெளியான ‘குட் பேட் அக்லி’ தவிர்த்து மற்ற இரண்டு படங்கள் விமர்சன ரீதியாகவும் வசூல் ரீதியாகவும் சுமாரான வரவேற்பைப் பெற்றாலும், திரிஷாவின் மார்க்கெட் சற்றும் குறையவில்லை. எப்படி இத்தனை வருடங்களாக ஒரு கதாநாயகி தனது அழகையும் முன்னணியிடத்தையும் தக்கவைத்துக் கொள்ள முடிகிறது என்று ஒட்டுமொத்த கோலிவுட்டே வியந்து பார்க்கும் வேளையில், இந்த ஆண்டின் முதல் படத்திலேயே மெகா ஹிட் கொடுத்துத் தான் ஒரு ‘லக்கி ஹீரோயின்’ என்பதை அவர் மீண்டும் நிரூபித்துள்ளார்.

ஆர்.ஜே. பாலாஜி இயக்கத்தில், சூர்யாவுக்கு ஜோடியாக திரிஷா நடித்து கடந்த மாதம் வெளியான ‘கருப்பு’ திரைப்படம் உலக அளவில் பிரம்மாண்ட வெற்றியைப் பெற்றுள்ளது. இப்படம் உலகம் முழுவதும் இதுவரை மொத்தம் 200 கோடி ரூபாய் வசூல் செய்துள்ளதாக அதிகாரப்பூர்வ அறிவிப்பு வெளியாகியுள்ளது. இப்படத்தில் 20 வயது இளம் பெண் போன்ற தோற்றத்துடனும், கதைக்குத் தேவையான நேர்த்தியான நடிப்பாலும் ரசிகர்களைக் கவர்ந்துள்ள திரிஷாவுக்குப் பாராட்டுக்கள் குவிந்து வருகின்றன. குறிப்பாக விஜய், அஜித், சூர்யா ஆகிய மூன்று டாப் ஹீரோக்களின் திரைப்பயணத்திலேயே அதிக வசூல் செய்த படங்களின் நாயகி திரிஷாதான் என்ற புதிய சாதனைப் பெருமையையும் அவர் பெற்றுள்ளார்.

சினிமாவைத் தாண்டி திரிஷாவுக்குப் பெரிய நட்பு வட்டாரம் உள்ளது. அதில் மிக முக்கியமானவரான ஏஜிஎஸ் தயாரிப்பாளர் அர்ச்சனா கல்பாத்தி, சமீபத்தில் அளித்த பேட்டி ஒன்றில் திரிஷா குறித்துப் பல சுவாரசியமான விஷயங்களைப் பகிர்ந்துள்ளார். திரிஷா எப்போதும் தனது ‘லக்கி சார்ம்’ மற்றும் ஃபேவரைட் தோழி என்று குறிப்பிட்டுள்ள அவர், அண்மையில் தங்களது தோழிகள் குழுவோடு மொராக்கோ நாட்டிற்குச் சுற்றுலா சென்ற நினைவுகளைப் பகிர்ந்து கொண்டார். பிஸியான வேலைகளுக்கு மத்தியிலும் தங்களின் நட்பைப் புரிந்து கொண்டு அன்போடு பழகும் குணம் கொண்டவர் திரிஷா என அர்ச்சனா பாராட்டியுள்ளது, இவர்களின் நெருக்கமான நட்பை வெளிப்படுத்துவதாக அமைந்துள்ளது.