நாத்தமடிக்குதேனு திறந்து பார்த்தா… உள்ளே 1,000 பவுண்டு பணமா..? பிரித்தானியத் தம்பதிக்குக் கிடைத்த அதிர்ஷ்ட பொக்கிஷம்..!!

பிரித்தானியாவில் வசிக்கும் லூயிசா மற்றும் அவரது கணவர் டான் ஆகியோர் தங்கள் 100 ஆண்டுகள் பழமையான வீட்டின் அடித்தளத்தைச் சீரமைத்தபோது, படிக்கட்டின் கீழ் சுவரால் மூடப்பட்டிருந்த ஒரு பகுதியைக் கண்டறிந்தனர். அங்கு பழைய நிலக்கரி துண்டுகளுடன், மிகவும் பழுதடைந்த நிலையில் துர்நாற்றம் வீசிய பைன்ட் டின் ஒன்று இருந்தது. ஆரம்பத்தில் அதைத் திறக்கத் தயங்கிய அவர்கள், பல மாதங்களுக்குப் பிறகு திறந்து பார்த்தபோது ஆச்சரியமடைந்தனர். அதில் 1970-களில் அச்சிடப்பட்ட மொத்தம் 1,000 பவுண்டுகள் மதிப்புடைய பழைய பணத்தாள்கள் குவிந்து கிடந்தன.

சமீபத்தில் வேலையை இழந்திருந்த லூயிசாவிற்கு, இந்த எதிர்பாராத பணக் கண்டுபிடிப்பு சரியான நேரத்தில் கிடைத்த பெரிய உதவியாக அமைந்தது. இதைக் கொண்டு அவர்கள் நிலுவையில் இருந்த பில்களைச் செலுத்தியதுடன், குழந்தைகளுக்குச் சிறிய பரிசுகளையும் வாங்கிக் கொடுத்தனர். குழந்தைகளுக்கு இது ஒரு அற்புதமான நினைவாக இருக்கும் என்று லூயிசா மகிழ்ச்சி தெரிவித்தார். இவர்கள் பகிர்ந்த இந்தச் சம்பவத்தின் வீடியோ டிக்டாக்கில் 2 லட்சத்திற்கும் அதிகமான பார்வைகளைப் பெற்று வைரலானது.

வீடியோவைப் பார்த்த இணையவாசிகள், இந்தப் பழைய நோட்டுகளை இப்போதும் வங்கிகளில் மாற்றிக் கொள்ள முடியும் என்றும், அவற்றில் சில அரிய சேகரிப்புப் பொருட்களாக அதிக மதிப்பில் விற்பனையாகக் கூடும் என்றும் ஆலோசனைகளை வழங்கினர். இதுபோன்று நூறாண்டுகள் பழமையான வீடுகளில் சீரமைப்புப் பணிகள் செய்யும்போது, பழைய திருமண உடைகள், பழமையான ஆவணங்கள் மற்றும் மறைக்கப்பட்ட பொக்கிஷங்கள் கண்டெடுக்கப்படுவது வழக்கமான ஒரு நிகழ்வாகவே மாறி வருகிறது.